Golggotmánu 2021 dieđáhus Ohcejoga gieldda čáhce- ja bázahusčáhcefuolahusa áššiin

Ohcejoga gielddas čáhce- ja duolvačáhcefierpmádaga dikšu ja bajásdoallá Inarin Lapin Vesi Oy. Áššehasbálvalus lea oažžumis telefonnummiris 016 663 200 ja šleađgaboasttain asiakaspalvelu@inergia.fi.

Čáhcefuolahusa vihkegohcinnummirii 040 636 2989 sáhttá riŋget ja almmuhit vihkefuomášumiid. Čáhcefuolahusa dego maid lieggasa ja šleađgga hehttehusdilit gávdnojit Inergia fierbmesiidduin www.inergia.fi.

Čázi kvalitehta čuovvun

Buhtesčáhcefierpmádaga čázi kvaliteahta dárkut čáhcečájánasaiguin, mat váldojit jeavddalaččat nu čáhceváldinsajiin go fierpmádagasge. Fierpmádaga čájánasváldinbáikkit leat dábálaččat almmolaš giddodagain dego skuvllain dahje priváhta giddodagain, gos bargojuvvo almmolaš doaimmaiguin dego restauráŋŋain dahje gávppiin. Dáid čájánasaiguin sihkkarastit, ahte Ohcejoga buhtesčáhcefierpmádaga čáhci lea dohkálaš dállodoalločáhcin. Vejolaš buhtesčázi kvalitehta spiehkkasemiide reagerejuvvo dalán.

Čázi kvalitehttii váikkuha fierpmádagas dáhpáhuvvi nuppástusaid lassin maid giddodaga iežas bohccit. Dát boahtá gažaldahkii, jos leat jo boares bohccit ja bohcciin sáhttet luvvat čáhcái ii-doivojuvvon ávdnasat.

Čáhcefuolahuslágádus fuolaha buhtesčáhcefierpmádaga čázi kvalitehtas giddodaga rájá rádjai. Giddodaga hánas váldon čázi kvalitehta gullá giddodatoamasteaddjái ja son lea geatnegas fuolahit iežas giddodaga bohcciid ortnegis.

Jos láigovisttiid láigolaš atná, ahte láigovistti buhtesčázi kvalitehta lea fuotnánan, son sáhttá giddodatoamasteaddjái buktit ášši čielggadeapmái. Fuomášuvvon váttisvuođas sáhttá čuovvut čáhcečájánasváldin ja/dahje viidásut doaimmat. Goluid čuohcin láigoaddái dahje láigolažžii lea gitta dilis ja das, mii čázi kvalitehtas lea endoris. Dábálaš láigovistti buhtesčáhci galgá leat buhtesčáhcedohkálaš, jos láigosoahpamušas ii leat eará máinnašuvvon.

Čázi kvalitehta buorideami dihte sáhttá maid ieš monteret biergasiid, mat buoridit čázi kvalitehta. Láigolačča gánneha leat álo oktavuođas giddodatoamasteaddjái ja soahpat ovddalgihtii vejolaš čázebuhtistanbiergasiid monteremis.

Ohcejoga gielddas láigovisteáššiid dikšu Kiinteistö Oy Ringinvatro , oktavuođaváldimat tel. 040 181 0264, heidi.keskitalo@utsjoki.fi.

Ássanguoibmáivuhtii dego ee. buhtesčázi kvalitehtii ja sisáibmováttisvuođaide laktáseaddji gažaldagain sáhtát leat oktavuođas dearvvasvuođagohcci ovdaolmmoš Minna Saramoi (minna.saramo@inari.fi, tel. 0400 662 510) dahje dearvvasvuođasuodjaleami dárkkisteaddji Paula Niskalai (paula.niskala@inari.fi, tel. 040 124 4977).

Iežas bovra – dahje riekkesgáivvo čázi kvalitehta livččii buorre dutkkahit 3-5 jagi gaskkaid. Dutkama ávžžuhat erenoamážit dalle, go čázis leat smáhkka- dahje hádjahehttehusat, gáivvočáhci báidná čáhcebiergasiid dahje go bearrašii riegáda njuoratmánná. Gáivvočázi čájánasaid dutká ovdamearkka dihte Eurofins Oy. Áššehas sáhttá diŋgot iežas háliidan analysa ja čájánasváldimii dárbbašan materiála poastta fáro, maid čájánasat máhcahuvvojit poastta fáro /mátkefuolahusa bokte. Lassedieđut Eurofins Ahma Oy Roavvenjárgga neahttasiidduin, tel. 040 1333 800.

Bázahusčáhcevuogádagat

Tana River II -projektii gullevaš, giddodagaid bázahusčáhcevuogádagaid guoski dieđut leat vurkejuvvon Ohcejoga gieldda teknihkalaš doaimma / huksenbearráigeahču diehtovuđđui. Giitu buot projeavtta áššehasjearahallamii ja bázahusčáhcečielggadussii vástidan olbmuide. Bázahusčáhcečilgehusaid sáhttá maid ain máhcahit.

Bázahusčáhcevuogádaga válljemii dahje čielggadeapmái laktáseaddji gažaldagain sáhtát leat oktavuođas Tana River II -projeavtta bázahusčáhcerávvejeaddjái, tel. 040 4812 917, anna-liisa.palvila@utsjoki.fi.

Bázahusčáhcevuogádaga divvun gáibida doaibmabidjolobi. Almmolaččat huksema stivrejit gieldda huksenortnet ja birassuodjalanmearrádusat ja maid lohpeohcamušskovvi gávdno gieldda huksenbearráigeahču neahttasiidduin. Lohpeáššiin ja huksemii laktáseaddji gažaldagain leage oktavuođas teknihkalaš doibmii, huksendárkkisteaddjái tel. 0400 158 561, markku.porsanger@utsjoki.fi dahje tekninen@utsjoki.fi.

Bázahusčáhcevuogádaga dohkálašvuođa ja ođadandárbbu meroštallá gieldda birassuodjalanvirgeoapmahaš nappo Árktalaš Lappi birassuodjaleapmi. Bargguide gullet maid bázahusčáhcevuogádaga geavahanáigásaš gohcin ja sierralobiid mieđiheapmi. Giddodaga oamasteaddjis lea vejolašvuohta ohcat sierralobi nappo friijavuođa mearreáigái birassuodjalanlága 156 a §: s oaivvilduvvon buhtistangáibádusain ja Ohcejoga gieldda birassuodjalanmearrádusain. Ohcanrávvagat ja oktavuođadieđut gávdnojit neahttasiidduin www.arktisenlapinys.fi, oktavuođaváldimat šleađgaboasttain čujuhusain ymparistonsuojelu@sodankyla.fi.

Eará oktavuođadieđut

Ohcejoga čáhce- ja duolvačáhcefierpmádaga dikšu ja bajásdoallá Inarin Lapin Vesi Oy. Oktavuođaolmmoš čáhce- ja duolvačáhcebohcciid bidjan áššiin lea čáhcefuolahushoavda tel. 040 826 7554, marko.tervaniemi@inergia.fi.

Vuojulduhttingáivvuid gurren- ja mohtefievrridanbálvalusa ollašuhttet:

• Sompiotrans Oy, tel. 0400 905 767, 040 530 6919, sompiotrans@gmail.com
• Soratuote Karppinen Oy tel. 050 5671 385, janne.karppinen@soratuote.fi
• Hannu Alenius Oy, tel. 040 505 3890, hannu.alenius@co.inet.fi
• Kari G. Oy, tel. 0400 250 220 dahje 0400 871 550, kari.taxi@hotmail.com, dan lassin ruskkaid, šlámboriid fievrrideapmi, geasehanbálvalus, tákse-/diŋgonjohtolat, molssakássabiila/juvlagoivvon, orrun

Lassedieđuid Rájáid rasttildeaddji čáhce- ja bázahusčáhcefuolahusoktasašbargu Deanu váikkuhanguovllus, Tana River II -projeavtta birra addá Inarin Lapin Vesi Oy fitnodatjođiheaddji, projeaktajođiheaddji tel. 040 7329 315, paulus.lepisto@inergia.fi.