Gielddaráđđehus čoahkkana vuossárgga 17.4.
12.4.2023
Ohcejoga gielddaráđđehus 2021–2023: várreságadoalli Vesa Länsman (vas.), ságadoalli Väinö Guttorm ja lahtut Arto Pohjanrinne, Laura Niittyvuopio-Valle, Marjatta Kordelin ja Anni Ahlakorpi. Govas váilu gielddaráđđehusa lahttu Aslak Holmberg. Govva: Studio Borga
Ohcejoga gielddaráđđehus čoahkkana vuossárgga 17.4.
Gielddaráđđehus addá váldostivrii iežas evttohusa ođđa buresveadjinhoavdda virggi deavdimis. Dasa lassin gielddaráđđehus mearrida earret eará sode-doaibmasajiid láigosoahpamušaid dahkamis Lappi buresveadjinguovlluin ja Juhunjarga 890-401-35-16 -nammasaš eanasaji gáddesajádatláva johtui bidjamis ja dasa dahkkojuvvon oassálastin- ja árvvoštallanplána oaidninláhkai addimis.
OAHPÁSMUVA EVTTOHUSLISTUI
Sáhtát oahpásmuvvat čoahkkima olles evttohuslistui dákko. Čoahkkinbeavdegirji almmustahtto dárkkisteami maŋŋá neahttasiiddusteamet.