Lappi universitehta dutká guovloválggaid jienasteami ja olbmuid oaiviliid buresveadjinguovllu áššiin – vástit neahttagažadeapmái maŋimustá 14.2.
25.1.2022
Lappi universitehta čoaggá guovloválggaide ja guovlohálddahussii guoskevaš dutkanmateriála anonyma elektrovnnalaš jearahallamiid bokte. Jearahallan dahkko Lappi ja Kainuu buresveadjinguovlluin. Ulbmilin lea oažžut dárkilis dieđuid dan birra, mo olbmot leat vásihan sode-ođastusa Davvi-Suomas, gos olbmot ásset bieđgguid ja gaskkat leat guhkit.
Jearahallama bokte dutkat mo olbmot jienastit guovloválggain ja makkár oaivilat sis leat áššiin, mat čatnasit buresveadjinguovlluide. Sihke guovloválggat ja buresveadjinguovlu leat ođđa ja ođđalágan servodatlaš ihtagat, mat váikkuhit konkrehtalaččat sihke olbmuid buresveadjimii ja demokratiija ovdaneapmái. Danin lea dehálaš čoaggit dáidda áššiide guoskevaš dieđuid nu viidát go vejolaš sode-ođastusa ollašuhttima álggus. Lea maid dehálaš oažžut dieđuid hui viidát buot buresveadjinguovlluid gielddain.
Jearahallama čađaheaba Marianne Silén, kvantitatiiva metodaid universitehtalektor ja Tapio Nykänen, stáhtadiehtaga universitehtalektor.
Vástidanáigi lea 24.2.–14.2.2022. Beasat vástidit suomagiel jearahallamii dákko.
Liegga giitosat oassálastimis!
Ustitlaš dearvvuođaiguin,
Marianne Silén
Kvantitatiiva metodaid universitehtalektor
Lappi universitehta
040 355 9927
Tapio Nykänen
Stáhtadiehtaga universitehtalektor, doseanta
Lappi universitehta
040 522 6693