Ođasmuvvi Ohcejohka ohcá gielddahoavdda!
Ohcanáigi lea jotkojuvvon 29.9.2023 rádjái, ovdal boahtán ohcamušat váldojuvvojit vuhtii virggi deavdimis.
Mii ohcat Ohcejohkii gielddahoavdda virgegaskavuhtii, mii lea doaisttážii fámus.
Ohcejohka lea Suoma ja Eurohpá uniovnna davimus gielda. Sullii 1200 ássi gieldamet gudnejahttá árbevieruid, muhto geahččá maiddái roahkkadit boahttevuhtii. Don beasatge gielddahoavdan ollašuhttit min ođđa gieldastrategiija ovttas min bargiiguin! Mii Ohcejogas jáhkkit garrasit boahtteáigái ja ovttasráđálaš bargamii. Min ođđa strategiija ulbmilin lea sihkkarastit, ahte Ohcejogas lea buorre eallit, doallat fitnodagaid ja bargat. Mii dikšut luonddu, dathan dahká min eallima vejolažžan. Mii ovddidit sámegiela ja -kultuvrra eallinfámu. Mii leat máŋggaárvvot ja vejolašvuođaid láhčči vásttolaš gielda – ja nannosit davimus, nugo gullo maiddái min slogan!
Nana ja eallinfámolaš sámekultuvra ja fiinna ja árktalaš lundomet leat min gieldda erenomášvuohta. Ohcejohka lea dovddus maiddái luondduealáhusain, riikkaidgaskasaš ealáhusdoaimmas ja vásttolaš kultur- ja turismabálvalusain. Gieldda buot golmma giliguovddážis buvttadit bálvalusaid sihke sáme- ja suomagillii, ja juohke giliguovddážii leat gieskat investeren ođđa ja modeardna skuvla-máŋggadoaimmadáluid. Ohcejohka juohká rájá Norggain ja ovttasbargu norgalaš rádjegielddaiguin leage midjiide dehálaš.
Mii bidjat olu návccaid eallinfápmomet ovddideapmái. Ohcejoga eallinfápmu lea máŋggasuorggat ja vuođđuduvvá earret eará guovllu lundui, sápmelaš kultuvrii ja turismii. Min eallinfámu guovddážis lea turisma, mii stuorru suvdilit. Dat duvdá eará bálvalusaid ovdáneami ja dáhkida ovttas eará áššiiguin dan, ahte gielddas leat lági beales buorit vuođđobálvalusat maiddái boahtteáiggis.
Mii eaktudit iežamet gielddahoavddas heivvolaš bajitdási allaskuvladutkosa, gieldahálddahusa ja -ekonomiija máhtu ja geavatlaš hárjánumi hoavddabargguin. Dan lassin adnit árvvus ovttasbargodáidduid, gulahallandáidduid ja servodatoktavuođaid. Sámegiela dáidu ja sámekultuvrra dovdan gehččo ohccái erenomáš ánsun.
Bivdit doaimmahit ohcamušaid ovttas bálkásávaldagain Kuntarekry bokte ovdal 29.9.2023 dii 15.00.
Virgi devdojuvvo guđa mánotbaji geahččalanáiggiin. Virgái válljejuvvon galgá ovdal virggi vuostáiváldima ovdanbuktit dohkálaš doavttirduođaštusa iežas dearvvasvuođadilis.
Doaivut, ahte virgái válljejuvvon álggahivččii barggus vejolašvuođaid mielde golggotmánu 2023 áigge.
Lassedieđuid addet:
Arto Pohjanrinne
Váldostivrra ságadoalli
040 770 3986
arto.pohjanrinne@utsjoki.fi
Väinö Guttorm
Gielddaráđđehusa ságadoalli
040 503 1574
vaino.guttorm@utsjoki.fi
Tanja Lepistö
Vd. gielddahoavda, eallinfápmohoavda
0400 151 294
tanja.lepisto@utsjoki.fi