Ohcejogas gávnnahuvvon okta ođđa koronavirusnjoammun olgobáikegotti olbmos
8.9.2021
Ohcejogas gávnnahuvvui vuossárgga 6.9.2021 jođánis antigenateasttain okta positiiva koronavirusčájánas. Teastaboađus sihkkarastojuvvui vel PCR-teasttain, mii maid attii positiiva čájánasa maŋŋebárgga 7.9.2021.
Koronavirusnjoammun lea olgobáikegoddálaš olbmos, ja son lea dál erremis. Olbmot, geat leat gártan njoammunvára vuollái, leat čielggaduvvon ja mearriduvvon karantenii.
Heidi Eriksen
Vástideaddji doavttir
Tel. 040 1810284
Vuokko Tieva-Niittyvuopio
Gielddahoavda
Tel. 0400 933 754
Jos eahpidat alddát koronavirusnjoammuma, ohcal dakkaviđe Ohcejoga gieldda koronatestemii.
Koronavirusa dábálaš dávdamearkkat leat earret eará feber, gosahat, oaivebávččas, illáveadjin, luhčadávda, deahkkebákčasat, čottabávččas, nuorvu, vuoigŋanváttisvuođat ja hádja- ja smáhkkaáiccu hedjoneapmi. Mánáin dávdamearkkat sáhttet leat láivvit ja bistit oanehis áiggi. Koronavirusdávdda mearkkaid ii sáhte earuhit eará virusdávddaid mearkkain earágo koronavirusteasttain.
Eambbo dieđuid koronavirusdilis gávnnat earret eará Ohcejoga gieldda, Lappi buohccedikšunbiirre ja THL neahttasiidduin.