Ođđa doaibmaráva koronavirus COVID-19 infekšuvdnaeahpádusas - testen lasihuvvo

Dán siiddus muitaluvvo mo Ohcejoga gielddas galgá doaibmat koronavirus COVID-19 infekšuvdnaeahpádusas

Doaibmaráva koronavirus COVID-19 infekšuvdnaeahpádusas

Máilmmi dearvvašvuođaorganisašuvdna WHO lea cealkán 11.3.2020, ahte koronavirusepidemiija lea pandemiija. Suoma ráđđehus lea ovttas dásseválddi presideanttain gávnnahan Suoma leat spiehkastatdilis 16.3.2020 rájes koronavirusdili dihte.

Lappi buohccedikšunbires leat sirdásan vuollegis šielmmá testenstrategiijai, man ulbmil lea caggat dávdda njoammuma, suddjet riskajoavkkuid ja dorvvastit dan, ahte kritihkalaš bargit leat doarvái ja dorvvastit dearvvašvuođafuolahusa suvdinnávcca.

Koronavirusinfekšuvnna dávdamearkkat leat:

  • nuorvvu, gosahat, vuoigŋanváttisvuohta
  • deahkkebákčasat, váibasat
  • illáveadjin, luhča
  • máistima ja havssu hehttehusat

Juos eahpidat ahte dus alddát dahje du lagasbirrasis lea koronavirusinfekšuvdna, doaimma ná:

Váldde oktavuođa dearvvašvuođaguovddážii, vai beasat koronavirustestii

  • árgabeivviid dmu 8-15 Ohcejoga dearvvašvuođaguovddáža vuostáiváldinbáikái 040 1810285
  • vahkkoloahpaid ja árgabasiid áigge Ohcejoga dearvvašvuođaguovddáža seaŋgaossodahkii 040 1810281

Juos du oppalaš dilli lea infekšuvnna dihte fuotni, riŋge njuolga 112

 

Oppalaččat váralaš njoammudávdda dutkan ja dikšu leat pasientii nuvttá, man geažil čájánasa váldimis ja infekšuvdnavuostáiváldinbáikkis eai beara áššehasmávssuid.

Čájánasa váldima oktavuođas addet čálalaš rávvagiid karanteana lágan dilis ja hearkunkártenskovi. Čájánasa bohtosat válbmanit váldoáššis 2-3 beaivvi geažes.

Koronavirusteastta boađus almmuhuvvo dutnje telefovnnain. Teastta bohtosa sáhttá geahččat maiddái kanta-fi –bálvalusas.

Vaikko koronavirusčájánasa boađus livččii negatiivvalaš, ávžžuhit bissut ruovttus dassážii go dávdamearkkat leat vuogihan.


Muita uutisia