Asttuáiggedoaibma dieđiha: Davi gievrramus -gilvvut lágiduvvojit lávvardaga 19.6.2021 Ohcejoga valáštallangiettis

Jearaldagas lea leaikamielalaš gilvu, muhto gilvu man berre duođas váldit, gievrrastallangilvu dievas ahkásaš  albmáide ja nissoniidda. Gii lea gievrramus Davvin?

Gilvu dollojuvvo, jos koronaráddjehusat dahket dan vejolažžan.

Deaddoluohkát albmát -90 kg ja +90 kg, nissonat -65 kg ja +65 kg, vihkken gilvobeaivve. Geainnus mannojuvvo čađa gilvaleaddjiiguin ovdal gilvvu álgima.

Gilvošlájat:

Ovda- dahje báldadoallan

Tráktorjuvlla joraheapmi

Vikiŋgalokten

Gálvvuid lokten/lásten

Gáibegeassin

Biilla geassin báttiin

Eará dáhpáhusat:

Mánáid leaikamielalaš gievrrastallangilvu

Lihkadanjođiheaddji rávvagat ruoktohárjehusaide, báikki alde sáhttá luoikkahit hárjehallanreaidobáhkaid.

Dáhpáhusbáikkis lea kantiidna.

Gilvu ii leat virggálaš šládjalihtu gilvu. Persovnnalaš bárte- jed. oajuin fuolaha juohkehaš gilvaleaddji ieš. Lágideaddjis lea dušše lágas gáibiduvvon  ovddasvástádusoadju.

Juohkehaš gilvaleaddji buktá maid  ieš darvehanávdnasiid, jiekŋaseahkaid sihke biergasiid, maid navdá iežas dárbbašit. Gilvvu lágideaddji fállá juhkamuša sihke smávva nealgádaga.

Gilvvu lágidit: Ohcejoga gieldda asttuáiggedoaibma, GUVI (AVI) ruhtadan Liikkuva ja hyvinvoiva Utsjoki projeakta sihke Utsjoen Kuohu ry.

Dáhpáhuslágideaddjit doalahit alddeset vuoigatvuođa vejolaš nuppástusaide. Almmuhanrávvagat almmuhuvvojit lagabus dáhpáhusa.

Lassedieđut:

asttuáiggečálli Kaisa Tapiola-Länsman, 0400 319852, kaisa.tapiola-lansman@utsjoki.fi

Utsjoen Kuohu ry Heidi Keskitalo, 040 181 0264, heidi.keskitalo@utsjoki.fi