Bargu álggahuvvon diehtopáhkka čohkkema várás Ohcejoga vásttolaš turismabáikkiid birra
Vásttolaš turisma Ohcejogas -projeavttas čohkkejuvvo diehtopáhkka Ohcejoga turismabáikkiin ja daidda laktáseaddji vásttolašvuođagažaldagaid birra. Barggu ollašuhttin lea válljejuvvon Sweco Oy. Sweco vehkiin lea ovdal maid ollašuhtton Ohcejoga turismma ovddidan- ja eanageavahanplána.
Galledanbáikkiid boahtit buktit ovdan nu Gáregasnjárggas, Njuorggámis go Ohcejoga girkosiidda lahkosis. Diehtopáhkas boahtit gieđahallat ekologalaš, sosiokultuvrralaš ja vásttolašvuođa, vuhtiiváldimin erenoamáš fuopmášumi áššiide, mat laktásit sámekultuvrii, boazodollui ja rašis duottarlundui. Diehtopáhka ráhkadeapmái boahtit váldit mielde gili olbmuid ja eará čanusjoavkkuid, dego bálgosiid ja sámedikki.
Barggu álgomuttus gárvvistuvvojit diehtopáhka sisdoaluid guoski kriterat. Báikkit válljejuvvojit projeavtta ja guovllu doaibmiiguin. Ulbmilin lea gávdnat dakkár beroštahtti turismabáikkiid, maid čanusjoavkkut leat dohkkehan. Báikkit čohkkejuvvojit nu, ahte daid diehtosisdoalu sáhttet ávkkástallat buot Ohcejoga turismadoaibmit.
Oaivilin lea ahte bargu gárvvásmuvvá cuoŋománu loahpa rádjai. Barggu bohtosiin sávvat leat ávkki guovllu turismafitnodagaide, guovlluorganisašuvdnii ja turismarávvemii sihke eahpenjuolgadit gili olbmuide ja mátkkálaččaide, ovddidemiin turismaealáhusa ain eanet vásttolažžan.
Lassediehtu:
Kimmo Vähäjylkkä, ovddidanhoavda, Sweco Infra & Rail Oy
kimmo.vahajylkka@sweco.fi, +358 40 531 4481
Sonja Sistonen, Projeaktahoavda, Vásttolaš turisma Ohcejogas
Ohcejoga gielda
sonja.sistonen@utsjoki.fi, +358 40 635 9277