Buot Supmii boahtti olbmuid ávžžuhit fitnat koronateasttas – Ohcejoga gielda teste boahttiid sihke Ohcejogas ja Gáregasnjárggas
Suoma ráđđehus čavge gaskavahku riikiiboahtima ráddjehusaid. Ráđđehusa oktan ulbmilin lea, ahte buot Supmii boahtti mátkkošteaddjid rávvejit jo rádjerasttildanbáikkis ohcalit koronatestii.
Maiddái Suoma sosiála- ja dearvvasvuođaministeriija, Dearvvasvuođa- ja buresveadjinlágádus (THL) ja Lappi buohccedikšunbire infekšuvnnaid eastadanovttadaga njoammudávdaeiseválddit ávžžuhit garrasit, ahte buot Supmii boahttit finašedje koronavirusteasttas.
- Buolbmát-Njuorggán rádjerasttildanbáikkis rávvejit mátkkošteaddjiid mannat koronatestii Ohcejoga dearvvasvuođaguovddážii
- Deatnu-Ohcejohka rádjerasttildanbáikkis rávvejit mátkkošteaddjiid mannat koronatestii Ohcejoga dearvvasvuođaguovddážii
- Kárášjohka-Gáregasnjárga rádjerasttildanbáikkis rávvejit mátkkošteaddjiid mannat koronatestii Gáregasnjárgga dearvvasvuođadállui
Ohcejoga dearvvasvuođaguovddážis (Seitatie 1 A, 99980 Utsjoki) testejuvvo 24/7.
- Áiggi sáhttá várret árgan dmu 8–16:
- tel. +358 40 181 0286
- tel. +358 40 181 0288
- tel. +358 40 181 0285 (ruovttoluotta riŋgen)
- Eará áiggiid:
- tel. +358 40 181 0281
Gáregasnjárgga dearvvasvuođadálus (Ylätenontie 112, 99950 Karigasniemi) testejuvvo árgan dmu 8–16, eará áiggiid testii beassá Ohcejoga dearvvasvuođaguovddážis.
- Áiggi sáhttá várret árgan dmu 8–16:
- tel. +358 40 758 2076
Koronavirustestemis geavahuvvo jođánis antigenateasta, man boađus gárvána 15 minuhtas. Olmmoš oažžu teastta bohtosis eŋgelas-, dáro-, sáme- dahje suomagielat duođaštusa. Jos teastaboađus lea positiiva, váldojuvvo olbmos lassin PCR-teasta, mii sáddejuvvo analyseremii. Dákkár dilis dikšobargit addet olbmui maid karantenarávvagiid.
Testemiin muitaluvvo maiddái báberdieđáhusaiguin rádjerasttildanbáikkiin.