Buresboahtin Sámekultuvra dáiddan Ohcejoga dikšunlágádusaide -fitnu loahpahanávvudeapmái Ohcejoga rabasbálvalusguovddážii gaskavahkko 22.6.2022 dmu 13.30–15.00

Sámi Duodji -searvvi Sámekultuvrra dáiddan Ohcejoga dikšunlágádusaide -fidnu lea ollašuhtton. Fitnu loahpahanávvudeapmi lágiduvvo Ohcejoga rabasbálvalusguovddážis gaskavahkko 22.6.2022 dmu 13.30–15.00. Fitnu lea ruhtadan Suoma kulturfoanda. Fitnu ollašuhttui oktasašbargun Ohcejoga gielddain ja Sámedikkiin. Fitnu ulbmilin lea buktit buresbirdejumi Ohcejoga sápmelaš buorrásiide dáidda ja duoji hámis.

Čuovgagovaid ja duoji bokte buktojit sápmelaš muitobuohcciid ja ahkeolbmuid olámuddui Ohcejoga beavttálmahtton bálvalusássanbáikki Dorvvus ja seaŋgaossodagas. Dáiddačuovgagovaid lea váldan dáiddár Marja Helander ja dujiid leat dudjon báikkálaš duojárát Antti-Piera Valle, Ilmari Tapiola, Rita Nurmenrinta, Eveliina Järvinen ja Anáris Aune Musta ja Kristiina Ranttila.

Máŋgga muitobuohccái dahje boares olbmui sámeduodji fállá oktavuođa vássán eallimii. Eallimii, goas vel vejii ja nákcii duddjot, lubmet, johtit bigálusain ja bivdit luosa Deanus dahje eará borranguoli duottarjávrris. Eallimii ovdal dikšunlágádussii fárrema. Čuovgagovat nannejit ássiid muittuid, vásáhusaid ellojuvvon eallima birra. Dujiid bokte sáhttá dovdat guoskkahemiin, gárvodemiin dahje geahčademiin dan áigge, goas vel lágádusa ássi vejii ieš gođđit, goarrut, vuollat ja gárvet dujiid.

Buresboahtin
fitnu loahpahanávvudeapmi rabasbálvalusguovddážii ga 22.6.2022 dmu 13.30! Dáhpáhusas lea káfestallan ja musihkka. Prográmma maŋŋá ossodagain lágiduvvo oahpásnuvvan govaide ja dujiide vurrolagaid diibmu 14.00–15.00 gaska.

Fuolat ain koronavirusinfekšuvnna ravvagiin. Ále boađe báikki ala, jos dus leat dávdamearkkat, geavat máskka ja fuolat buorre giehtahygieniijas.

Fitnus leamaš farus Sámi Duodji -searvvi ságajođiheaddji Marjaana Aikio ja sámeduoji konsuleanta Aune Musta, Sámedikki kulturčálli Riitta Orti-Berg, Ohcejoga gieldda dikšunbarggujođiheaddji Päivi Kontio sihke asttuáiggečálli Kaisa Tapiola-Länsman.

Lassidieđut:

Marjaana Aikio, +358 40 6882345 marjaana.aikio@samiduodji.com

Kaisa Tapiola-Länsman, +358 40 723 88 22 kaisa.tapiola-lansman@utsjoki.fi

Riitta Orti-Berg, +358 40 840 0383 riitta.orti-berg@samediggi.fi