Davi Gievrramus -gilvvu ovdaalmmuheapmi lea álgán
2.5.2023
Davi Gievrramus -gilvu ordnejuvvo Ohcejoga falástallangiettis vuot 5.8.2023! Gilvaleaddjit sáhttet dál almmuhit iežaset gilvui mielde Ohcejoga gieldda asttuáiggečálli Kaisa Tapiola-Länsmanii šleađgapoasttain kaisa.tapiola-lansman@utsjoki.fi.
Almmut šleađgapoasttas iežat nama, vejolaš falástallansearvvi, ovttastusa dahje fitnodaga, man ovddastat, man gilvoluohkkái oassálasttát ja vejolaš joavkku nama.
Amma muittát, ahte jovkui gullan ii leat vealtameahttun ja sáhtát oassálastit duššefal ovttatolbmuid gilvui, jos nu hálidat. Sáhtát searvat jovkui vel gilvobeaivve ovdalgo gilvu álgá.
Oassálastinmávssut:
- 30.6. rádjai oassálastinmáksu lea 25 euro
- 31.7. rádjai oassálastinmáksu lea 30 euro
- 5.8. rádjai oassálastinmáksu lea 50 euro
Nanne oassálastima gilvui máksimiin oassálastinmávssu Utsjoen Kuohu kontui FI94 5641 8740 0016 79.
Suoidnemánu loahpa rádjai iežaset almmuhan ja oassálastinmávssu máksán gilvvohallit ja joavkkut almmustahttojit dáhpáhusa neahttasiidduin. Maŋálgihtii almmuheapmi lea vejolaš gilvobeaivvi álggu rádjai.
Loga eambbo gilvvu birra dáppe!
Lassedieđut:
Kaisa Tapiola-Länsman
asttuáiggečálli
kaisa.tapiola-lansman@utsjoki.fi
0400 319852