Hutkka Ohcejoga ođđa giellaguovddážii nama ja vuoitte 100 euro skeaŋkakoartta!
Deanuleagis sámástit -projeavtta nammagilvui sáhttá oassálastit 14.12.2020–10.1.2021.
Deanuleagis sámástit -projeakta lágida nammagilvvu Ohcejoga ođđa giellaguovddáža váras.
“Deanuleagis sámástit” lea guovttejahkásaš (2020–2022) Interreg Nord -projeakta, man oktan váldoulbmilin lea vuođđudit Ohcejohkii iežas sámi giellaguovddáža. Giellaguovddášdoaimmas lea guhkes historjá Norgga beale Sámis, muhto Suoma bealde sámi giellaguovddážat eai vuos gávdno.
Ohcejoga giellaguovddážii leat plánejuvvon máŋggalágan giellabálvalusat ja -doaimmat. Ulbmil lea, ahte giellaguovddáš fállagoahtá earret eará máŋggagielatvuođarávvema ja gieldda virgeolbmuide veahki ollašuhttit sámi giellalága. Guovddáš koordinere sámegielat astoáiggedoaimmaid sihke eatnigielagiidda ja giellaoahpahalliide ja hutká ođđalágan giellageavahanarenaid ja giellaoahppanmetodaid. Guovddáš bargá nana ovttasbarggu eará giellaguovddážiiguin rájá rastá. Giellaguovddáš vuođđuduvvo Ohcejoga gili Áilegas-guovddážii.
Deanuleagis sámástit -projeakta sávvá gilvui erenoamážit nammaevttohusaid, mat mannu láhkai čalmmustahttet Deanuleagi sámegiela ja árbedieđu.
Gilvoáigi lea 14.12.2020–10.1.2021. Gilvvu vuoiti bálkkašuvvo 100 euro skeaŋkakoarttain Sámi Duodjái. Vuoiti válljejit Deanuleagis sámástit -projeavtta bargit.
Sádde nammaevttohusaidat ja oktavuođadieđuidat maŋimustá ođđajagimánu 10. beaivve šleađgapoasttain projeavtta dieđiheaddji-buvttadeaddjái čujuhussii aletta.lakkala@utsjoki.fi!
Aletta Lakkala, dieđiheaddji-buvttadeaddji
tel./WhatsApp +358 40 186 7152
Loga lasi Deanuleagis sámástit -projeavtta doaimmain, ulbmiliin ja projeaktaveagas projeaktasiiddus.