Ohcejoga dearvvasvuođa- ja sosiála bálvalusat koronainfekšuvdnadili dagahan sierradili áigge (b. 28.5.)

Ohcejoga dearvvasvuođaguovddáža, Dorvu ja Seitakartano sihke ruoktobálvalusa doaimmat koronainfektšuvdnapandemiija áigge

Álgojagi Kiinná Wuhanis gávnnahuvvui geahpesboalddáhaga dagaheaddji ođđa koronavirus. Máilmmi dearvvasvuođaorganisašuvdna WHO almmuhii koronavirusa geažil máilmmiviidosaš pandemiija 11.3.2020. Suomas váldojuvvui 16.3.2020 atnui gearggusvuođaláhka, man vuođul ráddjejuvvojedje servodaga doaimmat. Dát dárkkuhii ee. skuvllaid ja oahppalágádusaid gokčama, almmolaš čoahkkanemiid ja lihkadeami ráddjemiid. Maiddái galledeamit dearvvasvuođafuolahusa ossodagaide ráddjejuvvojedje. Badjel 70-jahkásaččaid ja riskajoavkkuide gullevaččaid ávžžuhedje bissut karantena lágan dilis. Dáiguin doaibmabijuiguin leat sáhttán goahcat epidemiija leavvama ja dál Suoma ráđđehus lea vehážiid miel rahpagoahtán servodaga.  Dán liŋkkas leahkkasa ráđđehusa dieđáhus 4.5.2020 áššis.

Mánnabearrašiid, rávesolbmuid ja lámes olbmuid sosiálabálvalusat doibmet muđui dábálaš láhkái, muhto áššit meannuduvvojit telefovnna dahje videoságastallama bokte jos dat lea vejolaš.

Rabasbuohccedikšuma bálvalusat

Almmolaš rávvagat dearvvasvuođafuolahusas fidniide

Koronavirus Covid-19 njoammu riškkanas- ja guoskannjoammumin, go olmmoš gossá ja gastá. Virus sáhttá njoammut maiddái gieđaid ja bajildusaid bokte. Koronapandemiija áigge lea deaŧalaš eastit ođđa njoammumiid šaddama dearvvasvuođafuolahusa ovttadagas.

• Jos dus leat vuoiŋŋahagaid infekšuvdnamearkkat, de váldde ovddalgihtii telefovnna bokte oktavuođa dearvvasvuođaguovddážii rávvagiid oažžuma várás
• Dearvvasvuođafuolahusa doaibmasajis ii galgga duššiid dihtii orostallat
• Basa gieđaidat ja geavat giehtadesinferenávdnasa go boađát dearvvasvuođafuolahusa lanjaide
• Dearvvasvuođafuolahusa doaibmasaji siste geavahuvvo kirurgalaš njálbme-njunnesuodji (bargoveahka rávve mo suodji biddjojuvvo)

Doaktáriid vuostáváldin

Hoahpuhis vuostáváldindoaibman doaibmá dábálaš láhkai, áigevárren: 040 1810285.

Geahččalit dikšut buohcciid nu ollu go lea vejolaš telefovnna bokte dahje gáiddusoktavuođain.

Gohcin- ja hohpolaš buohccit dikšojuvvojit virgeáigge dmu 8-16 Ohcejoga dearvvasvuođaguovddážis tel 040 1810285.

Jos du oppalašdilli lea fuotni, de riŋge njuolgga 112.

Eahkedis, ihkku, vahkuloahpaid ja árbabasiid áigge gohcin lea Anára dearvvasvuođaguovddážis Avvilis tel  040 770 9187. Láivvit dáhpáhusain sáhttá leat oktavuođas maiddái Ohcejoga dearvvasvuođaguovddáža seaŋgaossodahkii tel 040 1810281 dahje 040 1810282.

Sin, geain lea vuoiŋŋahagaid infekšuvdnamearkkat, bivdit leat vuos TELEFOVNNA BOKTE oktavuođas dearvvasvuođaguovddážii, gos oažžu joatkkarávvagiid. Dearvvasvuođaguovddážii boađediin bivdit olbmuid, geain leat vuoiŋŋahagaid infekšuvdnamearkkat, geavahit uvssa, mii lea Ohcejoga dearvvasvuođaguovddáža váldouvssa olgeš bealde. Uvssas lohká HENGITYSTIEINFEKTIO-OIREISET (OLBMUIDE, GEAIN LEAT VUOIŊŊAHAGAID INFEKŠUVDNAMEARKKAT). Sisa boađedettiin bivdit olbmuid, geain leat vuoiŋŋahagaid infekšuvdnamearkkat, bidjat muođuide kirurgalaš njálbmenjunnesuoji ja gieđaide giehtadesinferenávdnasa.

Laboratoria ja čájánasváldin

Laboratoria čájánasváldin doaibmá ÁIGEVÁRREMIIN.

Ohcejogas laboratoria áigevárremat árgan diibmu 12-15: tel 040 1810286.

Čájánasváldimat leat vu-du diibmu 8-10 gaskasaš áigge. Árgabasi ovddit beaivve ii leat čájánasváldin.

Gáregasnjárggas čájánasváldin lea vuossárggaid diibmu 8-10 ÁIGEVÁRREMIIN. Áiggi sáhttá várret Gáregasnjárgga dearvvasvuođadikšus tel 040 7582076.

Fysioterapiija

Fysioterapiija doaibmá dábálaš láhkai, lohkui válddekeahttá fysioterapiija joavkkuid, maid álggaheamis almmuhuvvo sierra. Dasgo fysioterapevtta latnja lea seaŋgaossodaga vázzinfeaskáris, de bivdit áššehasaid vuordit dearvvasvuođaguovddáža vuordinsajis, ahte fysioterapevta viežžá áššehasa latnjasis. Lassedieđuid addá fysioterapevta Jaana Reinola tel 040 181 0287.

Ruoktobuohccidikšun ja ruoktobálvalus

Ruoktobuohccidikšun ja ruoktobálvalus doibmejit dábálaš láhkai. Áššehasaid bivdit liikkáge almmuhit ruoktobuohccidikšumii ja ruoktobálvalussii vejolaš iežaset vuoiŋŋahatinfekšuvdna-mearkkain.

Borramušbálvalusat doibmet dábálaš láhkai. Gávpeseahkkabálvalus nuppiin sániin beaivválašgálvvuid ruoktot fievrrideapmi ordnejuvvo daid álbmotjoavkkuide, geat eai ieža sáhte fitnat dahje geain ii leat sávahahtti fitnat gávppis.

Seniora- ja muitorávvehat

Doaibmá dábálaš láhkai.

Etniidrávvehat

Doaibmá dábálaš láhkai.

Mánáidrávvehat

Doaibmá dábálaš láhkai

Eastadanrávvehat

Doaibmá dábálaš láhkai.

Skuvla- ja oahppovázzidearvvasvuođafuolahus

Doaibmá dábálaš láhkai.

Oahppit sáhttet leat miela váivvideaddji áššiin oktavuođas dearvvasvuođadikšuiguin telefovnna, šleađgapoastta dahje Wilma bokte.

Ohcejohka-Njuorggán guovllu dearvvasvuođadikšu Emmi Kautonen tel 040 758 2073

Gáregasnjárga dearvvasvuođadikšu Indira Niittyvuopio tel 040 758 2076

šleađgapoasta: etunimi.sukunimi@utsjoki.fi. Dearvvasvuođadikšuide sáhttá leat oktavuođas maiddái geasi áigge.

Psykiatriija dikšu

Psykiatriija buohccidikšu: tel 040 7494216.

Psykiatriija buohccidikšui oktavuođaváldima várás ii dárbbašuvvo doaktára sátta. sáhtát leat iežat miela váivvideaddji áššiin psykiatriija dikšui njuolgga oktavuođas ng. vuollegis šielmmáin.

Njálmmi dearvvasvuođafuolahus

Njálmmi dearvvasvuođafuolahusas lea vehážiid miel máhccojuvvon dábálaš doaibmamii. Dieđusge ainge nurvos dahje muđuid buohccin ii galgga boahtit dikšui. Dán háve geahččalit dikšut vuosttassajis gaskandaga dikšumiid lohppii sihke akuhta váivviid dego bátnevearkkaid ja laigamiid.

Bátnedivššohahkii oaččot oktavuođa tel 040 1810290.