Ohcejoga gielda juohká ruoktoteasttaid nuvttá buot giliguovddážiin ja girjerádjobiillas
3.3.2022
Beaiváduvvon 8.3: Gáregasnjárggas ruoktoteasttat leat váidalahtti nohkan, eaige dat leat dál fidnemis.
Ohcejoga gielddas leat dál olu koronavirusinfekšuvnnat. Gávppiin leamašan hástalusat fidnet ruoktoteasttaid. Dan dihtii Ohcejoga gielda juohká gieldalaččaide nuvttá covid-19 ruoktoteasttaid Ohcejogas, Gáregasnjárggas, Njuorggánis ja vahkus 10 girjerádjobiillas.
Gieldalaččat sáhttet viežžat ruoktoteasttaid 2 stuhka/heagga (olmmoš sáhttá viežžat teasttaid oktanaga maid eará bearašlahtuide):
- Ohcejogas Gilidállu Giissás du 3.3. rájes (rabasáiggiid)
- Gáregasnjárggas Hotel Guossis be 4.3. rájes (rabasáiggiid)
- Njuorggánis Tenon Luonnontuote -buvddas be 4.3. dmu 12 rájes (rabasáiggiid)
- Girjerádjobiillas vahkus 10 (liŋka girjerádjobiilla áigetávvalii)
Ruoktoteasttat juhkkojuvvojit ain maiddái skuvllain badjeskuvlla ja logahaga oahppiide. Maiddái vuolleskuvlla oahppit ožžot teasttaid, jos fuolaheaddji dáhttu. Jos hálidat fidnet teasttaid maiddái eará bearašlahtuide oahppi mielde, leage oktavuođas oahpaheaddjái.
Teasttat juhkkojuvvojit nu guhká go dat reahkkájit.
Muitte fuolahit teasttaid vieččadettiinat buorre giehtahygieniijas ja máskka geavaheamis. Ále boađe viežžat teasttaid, jos dus leat makkárnu infekšuvda-dávdamearkkat.
Lassedieđut:
Heidi Eriksen, njoammudávddain vástideaddji doavttir
040 181 0284
heidi.eriksen@utsjoki.fi