Áigodat-influeansaboahkoheamit ja koronaboahku beavttálmahttinaddosat Ohcejoga gielddas 2022
18.10.2022
Áigodat-influeansa- ja koronaboahkohemiid addit Ohcejoga gielddas dán dilis dušše áiggi várremiin koronadili dihte ja bahkadasaid garvima dihte. Boahkuheamit álget skábmamánus.
Várre áiggi boahkoheapmái:
- Ohcejohka ja Njuorggán: tel. 040 181 0285
- Ohcejohka ja Njuorggán, vuollel 7-jahkásaš mánáid ja skuvlalaččaid/studeanttaid boahkoheamit: tel. 040 682 2348
- Gáregasnjárga: tel. 040 758 2076
Influeansaboahkoheamit
Nuvttá influeansaboahkoheapmái vuoigadahtton olbmot leat:
- Áhpeheamit
- Buohkat geat leat deavdán 65 jagi
- Vuollel 7-jahkásaš mánát
- Buohcuvuođa dahje divššu geažil riskajoavkkuide gullevaš olbmot
- Vearjobálvalusa álggaheaddji albmát ja eaktodáhtolaš vearjobálvalusa álggaheaddji nissonat
- Sosiála- ja dearvvašvuođafuolahusa ja dálkkasfuolahusa bargoveahka, geat oassálastet divššohasaid ja áššehasaid lagaš dikšui dahje fuolaheapmái
- Duođalaš influensii earenoamáš rašis olbmuid lagašbiire
Koronaboahku beavttálmahttinaddosat
Dearvvašvuođa ja buresveadjima lágádus (THL) ávžžuha dán čavčča korona ođđa beavttálmahttinboahku:
- buohkaide 65 jagi deavdán olbmuide
- buohkaide 18 jagi deavdán dálkkasdieđalaš riskajoavkkuide gullevaš olbmuide
- sakka immunitehtavádjit 12 jagi deavdán olbmuide
Beavttálmahttinboahku sáhttá váldit boahttevaš čakčabajis, go ovddit boahkoheamis dahje dávdda buohcamis lea gollan unnimustá golbma mánotbaji. Beavttálmahttinaddosa čuozáhatjoavkkuid oasil ii leat šat mearkkašupmi, galle boahku olmmoš lea ovdal ožžon dahje gallii son lea vejolaččat buohcan korona. Sáhtát oahpásmuvvat maiddái Lappi buohccedikšunbiirre rávvagii koronaboahkohemiid mearis sierra joavkkuide.
Eahpečielga diliin sáhtát jearrat áigevárrennummiris, leatgo vuoigadahtton nuvttá influeansaboahkoheapmái ja koronaboahku beavttálmahttinaddosii.