Asttuáiggedoaibma almmuha: Karigasniemen Erämiehet rs Sim Way Hunt -báhčinsimuláhtora rabas oahpásmuvvandilálašvuohta gaskavahku 9.3. dmu 17
2.3.2022
Karigasniemen Erämiehet rs (Gáregasnjárgga Bivdoalbmát rs) ordne Gáregasnjárgga Njálla-hállas gaskavahku 9.3. dmu 17 buohkaide rabas oahpásmuvvandilálašvuođa searvvi Sim Way Hunt -báhčinsimuláhtorii.
Karigasniemen Erämiehet rs lea ožžon simuláhtora háŋkemii ruhtadeami Pohjoisimman Lapin Leader rs:s. Báhcinsimuláhtor addá gieldalaččaide vejolašvuođa hárjehallat meahccebivddu maiddái bivdoáiggi olggobealde. Simuláhtoriin lea vejolaš hárjehallat dorvvolaččat báhčima ja maiddái earálágan bivdodiliid siste. Searvi geavaha simuláhtora vahkkosaš báhcineahkediinnis, mat leat rabas buot gieldalaččaide.
Gaskavahku oahpásmuvvandilálašvuohta lea maiddái rabas buohkaide. Karigasniemen Erämiehet rs sávvá goitge, ahte oassálastit almmuhit iežaset ovddalgihtii searvvi ságadoallái Ari Ukkolai šleađgapoasttain ari.ukkola@pp1.inet.fi. Dilálašvuođas lea káfestallan.
Buresboahtin!