Asttuáiggedoaibma dieđiha: Vuojadanhálla, lihkadan- ja álšasáliid ja ealligovvateáhtera áššehasráddjehusat gehppot

Lappi guovlluhálddahusdoaimmahat lea gomihan Lappi buohccedikšunbiirii geassemánnui addojuvvon mearrádusa čoahkkananráddjehusain.

Mearrádus váikkuha maiddái Ohcejoga gieldda asttuáiggedoaimma ja kultuvrra bálvalusaid áššehasráddjehusaide:

• Lihkadan- ja álšasáliid áššehasmearit eai šat ráddjejuvvo.
• Vuojadanhállas sáhttet leat oktanaga 20 áššehasa.
• Vuojadanhállas ja álšasáliin leat ain riskajoavkkuide iežaset vuorut. Riskajoavkkuid vuorut leat vuojadanhállas duorastagaid dmu 12.00–14.00, Gáregasnjárgga ja Njuorggáma álšasáliin olles beaivvi maŋŋebárggaid ja Ohcejoga álšasáles gaskavahkuid dmu 9.00–11.00 ja 16.00–18.00.
• Ealligovvateáhter Davvenástti čájáhusain leat 20 áššehasbáikki.

Mii sávvat ain, ahte áššehasat dollet doarvái gaskka nuppiidasaset ja fuolahit buorre giehtahygienas. Amma it boađe kultur- ja lihkadanbáikkiide, jos dus leat makkárnu infekšuvnna dávdamearkkat!

Ohcejoga asttuáiggedoaibma