Goalmmát koronaboahkohanattus oanehis attusgaskkaid koronaboahkohemiid ožžon olbmuide
22.9.2021
THL ávžžuha addit goalmmát koronaboahkohanaddosa daidda olbmuide, geat leat ožžon boahkoheami 3–4 vahku attusgaskkain.
Boahkohanráiddu goalmmát addosiid addima sáhttá álggahit dalánaga. Oanehis attusgaskkaid boahkohanávdnasiid ožžon olbmuide sáhttá goalmmát addosa addit, go nuppi boahkohanaddosis lea gollan uhcimustá guhtta (6) mánotbaji.
Suomas ja eará guovlluin čoggon čuovvundieđu vuođul oanehis áigegaskkaid addojuvvon addosiid fápmu fuotnána earenoamážit infekšuvnna ja láivves dávdda suoji buohta, vaikke duođalaš dávdda suodjebeaktu lea ain buorre.
Várrugasvuođa vuođđojurdaga geažil THL ii liikkáge vuos ávžžut goalmmát boahkohanaddosa vuollái 30-jahkásaš albmáide. Dát ráddjen ii guoskka sakka immuvdnavánisvuođas gillájeaddji olbmuid goalmmát boahkohanaddosa. mRNA-boahkohanávdnasa ožžon olbmuin leat raporterejuvvon hui hárvenaš hehttehusváikkuhussan myokardihtat ja perikardihtat. Dát riska lea deattuhuvvan nuorra albmáid buohta. Vuos eai dieđe, laktásago goalmmát boahkohanaddosiidda lassánan riska myo- ja perikardihtaide.
Dasgo nuorain duođalaš koronadávdda riska guovtte boahkohanaddosa maŋŋá lea unni, de THL lea geahččan várrugasvuođa vuođđojurdaga vuođul leat vuođustallojuvvon ráddjet earáid, earret sakka immuvdnavánisvuođas gillájeaddjiid vuollái 30-jahkásaš albmáid, goalmmát boahkohanávdnasiid guoski ávžžuhusaid olggobeallái doaisttážii.
Ášši árvvoštallan THL:s joatkašuvvá, go ođđa diehtu goalmmát boahkohanaddosiid dorvvolašvuođas fidnejuvvo čuovvovaš vahkuid áigge. Lasi diehtu áššis beaiváduvvo THL fierbmesiidduide. Buresboahtin!
Boađe fidnet vuosttas, nuppi dahje goalmmát koronaboahkoheami áigevárrema haga!
Ohcejoga dearvvasvuođaguovddážis ordnejuvvo pop-up koronaboahkohandilálašvuohta, goas sáhttá oažžut jogo vuosttas dahje man nu beavttálmahttinaddosa almmá áigevárrema haga gaskavahku 29.9.2021 dmu 15.00–18.30.
Áiggi koronaboahkoheapmái sáhttá várret maiddái eará áigái riŋgemiin, tel. 040 758 2073 (Ohcejoga dearvvasvuođadikšu) dahje 040 181 0285 (pkl buohccidikšu), ja Gáregasnjárggas 040 758 2076 (Gáregasnjárgga dearvvasvuođadikšu).