Lappi guovlohálddahusdoaimmahat čavge čoahkkananráddjehusaid – Lappis ii oaččo lágidit badjel 50 heakka čoahkkanemiid 6.1.2021 rádjai

Lappi guovlohálddahusdoaimmahat attii duorastaga 3.12. ođđa, čavgadot čoahkkananráddjehusaid Lappi buohccedikšunbire guvlui. Ráddjehusat bohtet fápmui vuossárgga 7.12.

Guovlohálddahusdoaimmahat oaivvilda, ahte Lappi koronavirusepidemiija hálddašeapmin lea dál vealtameahttun addit njoammundávdaláhkii gullevaš gildosiid. Doaimmahat lea váldán mearrádusastis vuhtii earret eará dan, ahte olbmot sáhttet mátkkoštit eará guovlluin Suomas davás juovllaid ja jagi molsašumi áigge.

Lappi guovlohálddahusdoaimmahat gieldá Lappi buohccedikšunbire gielddain buot badjel 50 heakka álbmotdilálašvuođaid ja almmolaš čoahkkimiid, mat lágiduvvojit siste dahje olgun.

Siste dahje ráddjejuvvon olgosajiin sáhttá doallat álbmotdilálašvuođaid dahje čoahkkimiid, maidda oassálastet eanemustá 50 olbmo, jos dain čuvvot ministeriija ja THL rávvagiid.

Mearrádus lea fámus 7.12.2020–6.1.2021. Dat guoská Anára, Eanodaga, Gihttela, Giemajávrri, Kolari, Muoná, Ohcejoga, Pelkosenniemi, Pello, Posio, Ranua, Roavenjárgga, Salla, Suovvaguoikka ja Soađegili gielddaid.

Lappi guovlohálddahusdoaimmahaga suomagielat dieđáhusa sáhttá lohkat dákko.