Njuorggáma koronatestenáiggit cuoŋománu lohppii

Njuorggámis lea vejolaš válddihit koronateastta cuoŋománu lohppii čuovvovaččat:

• maŋŋebárggaid ja gaskavahkuid dmu 13-15
• bearjadagaid dmu 8-11

Koronatesten lea Njuorggáma skuvllas. Lasi dieđuid Njuorggáma testemiin fidne telefovnna bokte nummiris 040 655 02 50 testenáiggiid.

Jos eahpidat alddát koronavirusnjoammuma, ohcal dakkaviđe testii. Ohcejoga gielddas leat anus jođánis antigenateasttat, maid boađus gárvána sullii diibmobealis. Testii beassá Ohcejoga dearvvasvuođaguovddážis, Gáregasnjárgga dearvvasvuođadálus ja Njuorggáma skuvllas.

Koronavirusa dábálaš dávdamearkkat leat earret eará feber, gosahat, oaivebávččas, illáveadjin, luhčadávda, deahkkebákčasat, čottabávččas, nuorvu, vuoigŋanváttisvuođat ja hádja- ja smáhkkaáiccu hedjoneapmi. Mánáin dávdamearkkat sáhttet leat láivvit ja bistit oanehis áiggi. Koronavirusdávdda mearkkaid ii sáhte earuhit eará virusdávddaid mearkkain earágo koronavirusteasttain.

Loga lasi testemis ja áigeguovdilis dilis, ávžžuhusain ja ráddjehusain Ohcejot gieldda korona-siiddus.