Ohcejoga gielda doarju nuoraid bargguiduvvama maiddái dán jagi – nuoraidbargoseđel mieđihuvvo buot 2002–2006 riegádan skuvlalaččaide ja oahppiide

Ohcejoga gielda doarju nuoraid bargguiduvvama maiddái jagi 2021. Gielda mieđiha nuoraidbargoseđela buot 2002–2006 riegádan skuvlalaččaide ja oahppiide, geat leat merkejuvvon Ohcejoga gieldda ássin.

Ohcejoga gielddas leamašan árat anus 300 euro árvosaš geassebargoseđel. Seđel lea rievdaduvvon dán jagi nuoraidbargoseđelin, mii lea fámus jagi lohppii, ii dušše geassebargoáigodaga. Lassin seđela árvu lea loktejuvvon 330 euroi.

Nuoraidbargoseđel ohccojuvvo ohcanskoviin. Sáhtát luđet skovi iežat dihtorii dahje viežžat dan gielddadálu guovddášdoaimmahagas dahje oktasašbálvalusas. Nuorra sáhttá oažžut ovtta seđela jagi 2021 áigge, iige dan sáhte sirdit earáide.

Seđelohcamušaid dán jahkái galgá doaimmahit maŋimustá 1.10.2021 rádjai. Ohcamušat máhcahuvvojit jogo poastta bokte:

Utsjoen kunta
Elinkeinotoimi, nuorisotyöseteli
99980 Utsjoki

dahje šleađgapoasttain (poastta bajilčálusin “nuorisotyöseteli”):

johanna.mikkola@utsjoki.fi

Nuoraidbargoseđela ohcci nuoras galgá leat skovi deavddedettiin juo diehtu boahttevaš bargosajistis, nappo skovi ii sáhte máhcahit almmá bargosaji fálli bargoaddi dieđuid.

Bargosadji sáhttá leat searvvis, fitnodagas, Ohcejoga gielddas dahje dállodoalus ruovttu olggobealde (ii nappo iežas ruoktu dahje lagašfuolki). Bargosadji sáhttá leat maiddái bearašfitnodagas (earet bearraša ruovttubarggut). Bargosadji galgá leat Ohcejoga gieldda guovllus.

Bargogaskavuohta galgá bistit uhcimustá golbma vahku (30 d/vku) ja bálká galgá mearrašuvvat suorggi bargoeaktosoahpamuša mielde. Bálká sisttisdoallá luopmobuhtadusa. Bargoaddái šaddet nuorra bargi bálkáheamis maiddái iežas golut (doarjaga meari badjelmanni oassi bálkkás ja bálkká siidogolut).

Mieđihuvvon nuoraidbargoseđel doaimmahuvvo poastta mielde ohcanáiggi maŋŋá ohcciide ja nuorra bargi luohpada seđela bargoaddái maŋimustá dalle, go bargogaskavuohta álgá. Nuoraidbargoseđela vástideaddji submi máksojuvvo bargoaddiide maŋálgihtii rehkega vuostá.

Nuorra, doaimma ná:

• Don galggat leat 2002–2006 riegádan skuvlalaš dahje oahppi ja galggat leat maiddái merkejuvvon Ohcejoga gieldda ássin.
• Oza bargosaji alccet ja muital, ahte dus lea vejolašvuohta oažžut nuoraidbargoseđela Ohcejoga gielddas.
• Go leat gávdnan bargosaji, de daga nuoraidbargoseđelohcamuša Ohcejoga gildii.
• Daga bargosoahpamuša ja doaimmat nuoraidbargoseđela bargoaddái

Gávnnat eambbo dieđuid nuoraidbargoseđelis, rávvagiid bargoaddái ja ohcan- ja máksinskoviid dáppe.

Lassidieđut:

vs. ovddidan- ja ealáhushoavda Johanna Mikkola
johanna.mikkola@utsjoki.fi
0400 151 294