Ohcejogas gávdnui sotnabeaivve okta ođđa koronavirusnjoammun
Ohcejoga gielddas gávdnui sotnabeaivve 20.12. okta ođđa koronavirusnjoammun. Njoammun gávdnui sosiála- ja dearvvasvuođafuolahusa bargis. Njoammunáitaga vuolde leat leamaš eanaš su asttuáigge kontávttat, muhto maiddái pasieanttat ja eará sode-bargit.
Njoammunáitaga vuollái gártan olbmot leat dál čielggaduvvon ja mearriduvvon karantenii. Njoammunáitaga vuolde leat sullii 30 olbmo.
Njoammun laktása jáhkkimis gieldda árat njoammunbálgái.
Heidi Eriksen
Vástideaddji doavttir
Tel. 040 181 0284
Vuokko Tieva-Niittyvuopio
Gielddahoavda
Tel. 0400 933 754
Jos eahpidat alddát dahje lagašbirrasisttát koronavirusnjoammuma, váldde oktavuođa Ohcejoga dearvvasvuođaguovddážii (árgan diibmu 8–16 tel 040 181 0285, vahkuloahpaid, eahkediid ja árgabasiid tel 040 181 0281).
Gáregasnjárggas beassá koronavirustestii áiggivárremiin vuossárgga 21.12. ja maŋŋebárgga 22.12. Teastaáiggi sáhttá várret nummiris 040 181 0286. Riŋge áiggivárrennummirii dušše oktii. Jos telefovdna ii vástit, dutnje riŋgejit fargga ruovttoluotta. Čájánasaid váldi vástida maiddái telefovdnii, ja sáhttá leat váldimin čájánasaid, go riŋget nummirii.
Koronavirusa dábálaš dávdamearkkat leat earret eará feber, gosahat, oaivebávččas, illáveadjin, luhčadávda, deahkkebákčasat, čottabávččas, nuorvu, vuoigŋanváttisvuođat ja hádja- ja smáhkkaáiccu hedjoneapmi. Mánáin dávdamearkkat sáhttet leat láivvit ja bistit oanehis áiggi. Koronavirusdávdda mearkkaid ii sáhte earuhit eará virusdávddaid mearkkain earágo koronavirusteasttain.
Lasi dieđuid koronavirusdilis gávnnat earret eará Ohcejoga gieldda, Lappi buohccedikšunbire ja THL neahttasiiddus.