Ohcejoga virtuála álbmotdilálašvuohta 26.8. koronavirusdilis lea oaidninláhkai Youtubes
Ohcejoga gieldda ordnen virtuála álbmotdilálašvuođa koronavirusdilis sáhttá dál geahččat gieldda Youtube-kanálas.
Ohcejoga gielda ordnii iežas ássiide virtuála álbmotdilálašvuođa Microsoft Teams bokte 26.8. Dilálašvuođas gieldda koronavirusnjoammumiin ja daid váikkuhusain gieldda doaimmaide ja bálvalusaide muitaledje gielddahoavda Vuokko Tieva-Niittyvuopio, vástideaddji doavttir Heidi Eriksen, dikšunbarggu hoavda Päivi Kontio, rabasbálvalusa jođiheaddji Taina Jylhä, vuođđodorvohoavda Nanna Miettunen, čuvgehushoavda Eila Tapiola, astoáiggečálli Kaisa Tapiola-Länsman, ovddidan- ja ealáhushoavda Eeva-Maarit Aikio ja giddodathoavda Markku Porsanger. Gieldalaččat besse maid jearrat iežaset gažaldagaid gieldda ovddasteaddjiin.
Dilálašvuohta lei suoma- ja sámegielat, ságastallama dulkui Outi Paadar. Dilálašvuođa ordnii ja ságastallama láidii gieldda dieđiheaddji Aletta Lakkala.
Filbma lea oaidninláhkai Youtubes guokte (2) vahku.