Ohcejogas lea gávdnon vuosttas koronavirusnjoammun
Ohcejoga dearvvasvuođaguovddážis, Seitakartanos, Dorvus ja Aspas lea gallestallangielddus. Maiddái dearvvasvuođaguovddáža vuostáiváldináiggit leat šluhttejuvvon.
Ohcejoga gielddas lea addojuvvon positiiva koronavirusčájánas. Gieldda vuosttas njoammun gávdnui Ohcejoga seaŋgaossodaga pasieanttas vuossáreahket 17.8.2020.
Jearaldat lea seamma njoammumis, mas Anára gielda dieđihii maŋŋebárgga. Ohcejoga seaŋgaossodaga pasieanta lea sirdojuvvon dikšui Avvila dearvvasvuođaguovddážii.
Ohcejoga gielda čielggada njoammunbálgáid ja lea jo mearridan vuosttas errendoaimmain. Ohcejoga dearvvasvuođaguovddážis, Seitakartanos, Dorvus ja Aspas lea dán dilis gallestallangielddus. Maiddái dearvvasvuođaguovddáža otná vuostáiváldináiggit leat šluhttejuvvon. Dearvvasvuođaguovddáš almmuha joatkagis sierra.
Ohcejoga gielda dieđiha dáhpáhusas ja vejolaš spiehkastatdoaimmain lasi maŋŋelabbos.
Lassidieđut:
Heidi Eriksen
Vástideaddji doavttir
Tel. 040 1810284
Jos eahpidat alddát dahje lagašbirrasis koronavirusnjoammuma, váldde oktavuođa Ohcejoga dearvvasvuođaguovddážii (árgan diibmu 8-16 tel 040 1810285, vahkuloahpaid, eahkediid ja árgabasiid tel 040 1810281).
Koronavirusa dábálaš dávdamearkkat leat earret eará feber, gosahat, oaivebávččas, illáveadjin, luhčadávda, deahkkebákčasat, čottabávččas, nuorvu, vuoigŋanváttisvuođat ja hádja- ja smáhkkaáiccu hedjoneapmi. Mánáin dávdamearkkat sáhttet leat láivvit ja bistit oanehis áiggi. Koronavirusdávdda mearkkaid ii sáhte earuhit eará virusdávddaid mearkkain earágo koronavirusteasttain.
Lasi dieđuid koronavirusdilis gávnnat earret eará Ohcejoga gieldda ja THL neahttasiiddus.