Dieđáhus Gáregasnjárgga čuoiganláhtu geavaheaddjiide: mohtorgielkkáin vuodjin, beatnagiin johtin ja vázzin mieđihuvvon juoidán eavttuin

Asttuáiggečálli lea ožžon maŋimuš áiggiin máhcahaga Gáregasnjárgga čuoiganláhtu birra. Čuoiganláhtu dilli lea fuotni máŋggaláhkai. Láhtu lámppáin stuorámus oassi lea seavdnjadin ja oassi čuovgastoalppuin dahje lámppáin lea vitnjut. Láhtu geavahit čuoigama lassin maid mohtorgielkkáin vuodjimii sihke viehkamii, vázzimii dahje beatnagiin johtimii. Vázzin, beatnagiin johtin ja mohtorgielkkáin vuodjin sáhttá goit váikkuhit láhtu ortnegii negatiivvalaččat.

Asttuáiggečálli lea su oažžun máhcahaga geažil oaidnán dárbbašlažžan čielggasmahttit Gáregasnjárgga láhtu njuolggadusaid. Asttuáiggečálli lea doaimmahan Gáregasnjárgga kapealla ja skuvlla gaskasaš láhttooassái gieldingalbbaid, mat gildet gažaldatvuloš láhttooasis vázzima, beatnagiin johtima ja mohtorgielkkáin vuodjima. Láhttui dahkkon ráddjehusat leat dahkkon láhtu ortnegisdoallama ja ortnega doalaheami várás.

Dát rávvagat leat goit buktán ovdan gažaldagaid, man geažil rávvagiid lea dárbu vehá dárkkálmahttit:

• Mohtorgielkkáin vuodjin: Láhtu alde vuodjin mohtorgielkkáin garra fárttain sáhttá guođđit láhtu rokkil ja billistit čuoiganluotta. Gielkkáin vuodjimis ii šatta miige váttisvuođaid, jos vuddjojuvvo ráfálaččat, hihtásit ja čuoiganluotta vuostálas ravddas. Dákkár gielkávuodjin láhtu alde lea lobálaš. Hihtásit vuodjin lea dehálaš maiddái danin, amaset šaddat váralaš dilit, eandalit sevdnjes láhttoosiin.
• Beatnagiin johtin: Beatnagiin sáhttá vázzit láhtu alde, go fal ii vácce čuoiganluotta alde ja ná vahágahte čuoiganluotta. Gánneha vázzit beatnagiin čuoiganluotta vuostálas beale. Beatnagiin johtti galgá fuolahit beatnatbaikkaid eret láhtu alde.
• Viehkan/vázzin: Viehkamii ja vázzimii gusket seamma njuolggadusat go beatnagiin johtimii. Viehkat ja vázzit galgá čuoiganluotta olggobealde nu, ahte luottat báhcet láhttui nu uhcán go vejolaš.

Dáid rávvagiid healbadeaddji gielkávuodjin, vázzin dahje beatnagiin johtin láhtu alde lea gildojuvvon.

FUOMÁŠ: Láhttui guoski ráddjehusat eai guoskka dan oasi, mii vuolgá Gáregasnjárgga kapealla luhtte ja doalvu Áilegas-duoddara ala.

Láhtu čuovggat:

Láhtu čuovggaid ođasmahttimis vástida gieldda teknihkalaš doaibma. Bieđganan lámppáid mearri lea kártejuvvon ja daid lea oaivil ođasmahttit láhttui geassit 2022, jos lassemearreruhta dán várás juolluduvvo.

Jos bohtet gažaldagat láhttui guoski áššiin, de sáhtát leat oktavuođas:

• Láhtu geavaheapmái guoski áššit:
  vs. asttuáiggečálli Janne Mustonen 0400 319 852, janne.mustonen@utsjoki.fi
• Láhtu ortnegisdoallamii ja čuovggaide guoski áššit:
  vd. giddodathoavda Markku Porsanger: 0400 158 561, markku.porsanger@utsjoki.fi