Dili geahčastat ÄRM (Fáhkkes ráhkadusnuppástus) -projektii
30.11.2021
Ohcejoga gielddas lea jođus ÄRM-projeakta (Lapin liitto ruhtadan ng. Akke-projeakta) ovdána ođđa joatkkaprojeavttaid plána mielde. ÄRM-projeavttat leat kártejuvvon ja dál leat ÄRM joatkkaprojeavttat mat gusket guđa sierralágan projeavtta ja mat bohtet ovddidit ealáhusdoaimma ealáskahttima ja ođasmuvvama, sihke lasihit gieldda eallinfámu. Joatkkaprojeavttat leat válljašuvvan ÄRM-projeavttas meroštallojuvvon temáollisvuođaid mielde.
Mii leat dál velá muhtumassii plánenmuttus joatkkaprojeavttaiguin, muhto muhtun projeavttat leat ovdánan ruhtadeaddjiide, ja ožžon ruhtadeami. Barggildat dál buot projeavttaid ovdáneami ala nu ahte mii beassat ráhkadaddan joatkkaprojeavttaid álggahit nu jođánit go vejolaš. Temáollisvuođaid olis mii leat ovddideamen čuovvovaš joatkkaprojeavttaid, mat álggahuvvojit dađe mielde go vejolaš ruhtadeapmi fitnašuvvá projeavttaide;
Fitnodatdoaibman, barggolašvuohta ja máhttin
- Ohcejoga digitálalaš eallinfápmu – uDigi
- Ohcamuš gieđahallamis, Lapin Liitto React, oktasašprojeakta ProAgria Lappiin
- “Ohcejoga eallinfámolaš bálvalusat oktagaslaš skuvlen- ja háhkanbálgáin -projeakta
- Projeakta lea gárvvisteami vuolde. Vuosttas ságastallandilálašvuohta dollojuvvo 30.11. dmu 14.00-15.00 teams bokte. Boađe mielde dán liŋkka bokte!
Sápmelašvuohta, vásttolašvuohta ja buresveadjin
- Sámi kulturárbbi nannen Deanuleagis
- Ruhtadanmearrádus lea ožžojuvvon Leaderis, ja projeavttas lea háhkan jođus.
- Gieldalaččaid ja fitnodatdoalliid buresveadjin -projeakta
- Projeavtta plánen álggahuvvo
Infra ja olahahttivuohta
- Deanu sihkkelastingeinnodaga infra ja ovddideapmi
- Dál eará projeaktaollilisvuođaid plánemis sierra ollašuhttojuvvo ovdogohcinbargu ja ohccojuvvo ovttas Lapin liittoin stáhtas ruhtadeapmi Deanogeainnu (970) buorideami várás dan infra oasil, maid sihkkelastin dárbbaša ja giliid geahppajohtolat geinnodagaid huksema várás. Dát bargu lea váldoáššis gielddahoavdda Vuokko Tieva-Niittyvuopio ovddasvástádusas.
- Lassin plánet projeavtta fitnodagaiguin bálvalusaid, mat laktásit sihkkelastingeinnodahkii ja fitnodatdoaimma ovddideapmái, ee. Máhttin temát, čuozáhatjoavkkut, buktagin ráhkadeapmi, márkanastin). Vuosttas rabas ságastallandilálašvuohta dollojuvvui 25.11. diibmu 15.00-16.30 gielddadálus.
- Ohcejoga ja Gáregasnjárgga eallinfápmodálut /-sajit
- Válmmaštallanmuttus
ÄRM-projeavttas bargá projeaktahoavda Eeva-Maarit Aikio, 60 % bargoáiggiin sihke projeaktakoordináhtorin Siiri Uino, 100 % bargoáiggiin. Sudnos sáhttáge álo, jos háliida sihke lea dárbu, jearrat lasi ÄRM-projeavtta ja joatkkaprojeavttaid ovdáneami birra. Projeavtta ja joatkkaprojeavttaid ovdáneami sáhtá čuovvut maid Ohcejoga gieldda ealáhusdoaimma Facebook-siidduin sihke gieldda fierbmesiidduin, gosa mii geahččalat beaivádit dieđuid ja dáhpáhusaid, mat laktásit projeavttaide. Mii lágidat boahttevaš mánotbajiid áigge rabas dilálašvuođaid, maidda mii sávvat viiddes oassálastima nu, ahte joatkkaprojeavttaid sáhttit ráhkadit gieldalaččaid dárbbuid mielde – Nu ahte čuovuthan min beaivádemiid!
Miibat dát ÄRM-projeakta leige?
Ohcejoga gielddas álggahuvvui bargu giđđat 2021, go báikkálaš fáhkkes ráhkadusnuppástus lei ollašuvvamin (ÄRM) koronapandemiija ja Deanu luossabivdogildosa buktin vuordemeahttun hástalusaid dihte. Dása laktáseaddji Akke-ruhtadeami gielda lei ožžon Lapin liittos ÄRM-álggahanprojektii, mii dahká vejolažžan Ohcejoga fáhkkes ráhkadusnuppástusa doaibmabijuid jođánis álggaheami ovddidit guovllu ealáhusdoaimma ealáskahttima ja ođasmuvvama. ÄRM-álggahanprojeakta sisttisdoallá golbma temáollisvuođa (Fitnodatdoaibman, barggolašvuohta ja máhttin/ Sápmelašvuohta, vásttolašvuohta ja buresveadjin/ Infra ja olahahttivuohta), mat fas sisttisdollet máŋggaid iešguđetlágan projeavttaid
Lassedieđut;
Eeva-Maarit Aikio
Ovddidan- ja ealáhushoavda
+358400 151 294
eeva-maarit.aikio@utsjoki.fi
Vuokko Tieva-Niittyvuopio
Gielddahoavda
Ohcejoga gielda
+358 400 933 754
vuokko.tieva-niittyvuopio@utsjoki.fi
Siiri Uino
Projeaktakoordináhtor
+358405442058
siiri.uino@utsjoki.fi