Fitnodateaiggát, mo jođihat iežat? Nuvttá bargoburesveadjima webinára 19.10.2022

Fitnodateaiggát, mo veaját iežat barggus? Nagodatgo addit iežat bargiide ja áššehasaide buoremusat? Anátgo árvvus iežat ja iežat nieguid? Leatgo dus doarvái návccat figgat dutnje ja du fitnodahkii dehálaš áššiid guvlui?

Iešjođihandáiddut leat okta dain buot dehálamos bargoneavvuin barggus nákcema hárrái. Iešjođiheapmi oaivvilda iežas arvvus atnima ja niegadeami, dan ahte olmmoš figgá ovdánit alcces dehálaš joksanmeriid guvlui. Dat oaivvilda maiddái iežas barggu plánema, rájáid bidjama ja áigetávvaliid ráhkadeami – iežas veadjima ollislaš doarjuma.

Don leat iežat fitnodaga dehálamos gaskaoapmi. Boađe mielde nuvttá iešjođiheami webinárii gaskavahku 19. golggotmánu dmu 16 rájes. Dilálašvuohta dollojuvvo Teams-oktavuođa bokte. Webinára ulbmilin lea lasihit dieđu iešjođiheami ja dan hástalusaid birra. Dan lassin eahket fállá konkrehtalaš bargoneavvuid dasa mo nannet iešjođiheami iežas árgabeaivvis. Dilálašvuođas háleštit ja bargat ovttas. Skuvlenmateriála doaimmahuvvo dilálašvuođa maŋŋá oasseváldiide ja sáhtát vurket dan boahttevuođa várás jus hálidat.

Oassálastin lea fitnodateaiggádii nuvttá. Skuvlejumi fállá uYritys – Utsjoen elinvoimaiset yritykset ja henkilöstö /Ohcejoga eallinfámolaš fitnodagat ja bargit -prošeakta ovttas Bargodearvvasvuođalágádusain (Työterveyslaitos). Skuvlejeaddjin lea Peter Peitsalo (TTL), guhte lea sertifiserejuvvon Business ja Team coach. Su doaibmavuohki lea dakkár, mii sihke váldá oassálasti mielde, válbme ja hástala muttágit. Ulbmilin lea veahkehit áššehasa gávdnat ja váldit atnui iežas givrodagaid ja potentiála. Bargovuohki lea movttiidahtti, geavatlaš ja deattuha čoavdima.

Iešjođiheapmi 19.10.2022 dmu 16-19 neahttás
Prográmma (nuppástusat vejolaččat)

Fáddái vuodjun

• Mii iešjođiheapmi lea?
• Láže iešjođiheapmái saji – vuođđoáššit ortnegii

Iešjođiheapmi árgabeaibarggus

• Prioriterema ja iežas áiggi geavaheami čielggadahttin
• Motivašuvdna ja dan mearkkašupmi iešjođiheamis

Lasit fuomášumi bargamii

• Dovdda iešjođiheami hástalusaid
• Tipsat iešjođiheapmái

Bargoneavvut iežas árgabeaivái iešjođiheami doarjjan.

Sihkkarastte alccet báikki – čadni almmuheapmi skuvlejupmái 12.10.2022 rádjai petri.hamalainen@utsjoki.fi.

Buresboahtin!

Lassedieđut
Prošeaktahoavda Petri Hämäläinen
+358405167032
petri.hamalainen@utsjoki.fi
uYritys – Utsjoen elinvoimaiset yritykset ja henkilöstö -hanke