Gáregasnjárgga sislihkadanbáikkit gitta 10.1.2021 rádjai – Ohcejoga gielda sávvá, ahte olgobáikegottiid olbmot eai fina gieldda sislihkadanbáikkiin

Ohcejoga Gáregasnjárgga gili almmolaš sislihkadanbáikkit, lihkadanhálla Njálla ja álšasále, leat gitta 21.12.2020–10.1.2021 koronaráddjehusaid dihte. Lihkadanjoavkkut sáhttet ordnet aktivitehtaid olgun, go váldet vuhtii koronadorvvolašvuođa rávvagiid. Gielda buhtada álšasále giddema jagi 2021 rehkegiin.

Lappi buohccedikšunbire lea ain koronadili vuođđomuttus, muhto juovllaid ja ođđajagi ávvudeamit buktet vuordimis davimus Supmii, maiddái Ohcejohkii, gieldalaččaid ja mátkkošteaddjiid koronavirusa jođálmuvvan- ja leavvanguovlluin. Ohcejoga gielda geahččala eastit koronavirusa leavvama. Mii sávvat, ahte olgobáikegottiin boahtti olbmot eai geavat gieldda sislihkadanbáikkiid 21.12.2020–10.1.2021. 

Ohcejoga gielda muittuha sihke gieldalaččaidis ja mátkkošteaddjiidis koronadorvvolašvuođa ovddideaddji doaimmain: buorre giehtahygieniijas, dorvogaskkain ja máskkaid geavaheamis álo, go dorvogaskkaid doallan ii leat vejolaš. Loga Ohcejoga gieldda rávvagiid dorvvolaš basiid váras dáppe. Buot ávžžuhusat, áigeguovdilis dieđáhusat ja rávvagat koronatestii ohcaleamis Ohcejogas gávdnojit dáppe.


Muita uutisia