Ohcejoga girkosiidda koronaboahkohemiid áigetávval sáhttá nuppástuvvat – dearvvasvuođafuolahus lea persovnnalaččat oktavuođas áiggi várren olbmuide

Ohcejoga girkosiidda koronaboahkohemiid áigetávval sáhttá nuppástuvvat.

Ohcejoga gielda dieđihii árat, ahte Ohcejoga girkosiiddas bidjet koronaboahkuid riskajoavkkuide velá bearjadaga 29.1. ja duorastaga 4.2., muhto dearvvasvuođafuolahus gártá šluhttet oasi áiggiin, go gielda ii leat ožžon boahkuid doarvái. Ohcejoga gieldda dearvvasvuođafuolahus lea persovnnalaččat oktavuođas boahkohanáiggi várren olbmuide, jos áigi šluhttejuvvo. Sidjiide maiddái almmuhuvvo, go boahkut leat vuot fidnemis.

Gáregasnjárgga ja Njuorggána almmuhuvvon boahkohanbeaivvit ollašuvvet.

Ohcejoga gielda dieđiha ođđa boahkohanbeivviin dalán, go gielda oažžu sihkkaris dieđu ođđa boahkuid mearis ja áigetávvalis. Dán rádjai almmuhuvvon boahkohanbeaivvit leat dievva.

Ohcejoga gieldda koronavirusboahkohemiin leat dál vuorus 70 jagi deavdán olbmot ja olbmot, geain leat vuođđobuozalmasvuođat, mat heajudit mearkkašahtti láhkai geahppáid dahje váimmu doaibmama dahje goruda vuostálastinnávccaid, ja sáhttet dan dihte dagahit vearrás koronavirusdávdda.

Koronavirusboahkohusat álge Ohcejogas dikšoveaga boahkohusaiguin 7.1. Riskajoavkkuid maŋŋá boahkohanvuorus leat gieldda eará ássit.

Suoma koronavirusboahkohusain sáhttá lohkat lasi THL neahttasiiddus.