Ohcejoga váldostivra čoahkkana duorastaga 15.12. – čuovo čoahkkima njuolggosáttan Youtubes dmu 14 rájes!
13.12.2022
Ohcejoga váldostivra. Govva: Studio Borga
Ohcejoga váldostivra čoahkkana duorastaga 15.12. jagi maŋimuš čoahkkimii.
Váldostivra gieđahallá gieldda jagi 2023 bušeahttaárvalusa ja jagiid 2024–2025 ekonomiijaplánaid. Dán oktavuođas gielddaráđđehus lea evttohan váldostivrii, ahte dat addá dasa 250 000 euro loatnaváldinfápmudusa. Loana váldimii ferte gielddaráđđehusa mielde ráhkkanit vuoi Ohcejoga gielddas lea máksingearggusvuohta ekonomalaš dili ja investerenplánii čállojuvvon investeremiid dihte. Sihke Ohcejoga gieldda bušeahttaárvalussii 2023 ja ekonomiijaplánaide 2024–2025 sáhttá oahpásmuvvat dákko.
Váldostivra mearrida maiddái gieldda ođđa hálddahusnjuolggadusa dohkkeheamis. Hálddahusnjuolggadussii árvaluvvon nuppástusaide sáhttá oahpásmuvvat dákko. Ulbmil lea, ahte ođđa hálddahusnjuolggadus boahtá fápmui 1.1.2023.
Daid lassin váldostivra gieđahallá earret eará Ohcejoga gieldda energiijaseastinplána ja gieldda searvama Pohjois-Lapin Ruoka Oy -fitnodatsearvái sode- ja čuvgehusdoaimma biebmobálvalusaid lágideamis. Čoahkkima olles evttohuslistui sáhttá oahpásmuvvat dákko.
Váldostivrra čoahkkimat leat buohkaide rabas. Čoahkkima leage vejolaš čuovvut njuolggosáttan Ohcejoga gieldda Youtube-kanálas duorastaga 15.12. sullii dmu 14 rájes. Čoahkkinbáddi lea oaidnimis kanálas maiddái njuolggosáddaga maŋŋá. Ohcejoga gielda ávžžuha, ahte olbmot čuvvot čoahkkima gáiddusin. Gielddadálus čoahkkima sáhttá čuovvut streama bokte feaskkirlanja šearpmas.
Čoahkkimis lea simultánatulkon sámegielas suomagillii. Maiddái tulkojuvvon báddi almmustahtto Youtube-kanálas editerema maŋŋá.