Ohcejoga váldostivra čoahkkana maŋŋebárgga 21.6. – čuovo čoahkkima njuolggosáttan Youtubes dmu 14 rájes!
21.6.2022
Ohcejoga gieldda váldostivra. Govva: Studio Borga
Ohcejoga gieldda váldostivra čoahkkimastá maŋŋebárgga 21.6. Váldostivra mearrida earret eará jagi 2021 ruhtadoalloloahpaheami dohkkeheamis ja iešguđetlágan lassemearreruđaid mieđiheamis. Váldostivra gieđahallá maiddái earret eará olgoálšasále vuođđudeami Ohcejoga girkosiidii ja Ohcejoga kulturbajásgeassinplána dohkkeheami. Sáhtát oahpásmuvvat čoahkkima olles evttohuslistui dákko.
Váldostivrra čoahkkimat leat buohkaide rabas. Čoahkkima leage vejolaš čuovvut njuolggosáttan Ohcejoga gieldda Youtube-kanálas maŋŋebárgga 21.6. sullii dmu 14 rájes. Čoahkkinbáddi lea oaidnimis kanálas maiddái njuolggosáddaga maŋŋá. Ohcejoga gielda ávžžuha, ahte olbmot čuovošedje čoahkkima gáiddusin. Gielddadálus čoahkkima sáhttá čuovvut streama bokte feaskkirlanja šearpmas.
Čoahkkimis lea simultánatulkon sámegielas suomagillii. Maiddái tulkojuvvon báddi almmustahtto Youtube-kanálas editerema maŋŋá.