Ohcejoga vásttolaš turismma projektii leamaš olu beroštupmi, fárrui leat vuolgán 14 báikkálaš fitnodaga

Projeaktahoavda Sonja Sistonen muitalii projeavtta dilis Lappi eanangottehoavdda galledeamis Ohcejogas 21.9.2020.

Giđđat 2020 álgán Vásttolaš turisma Ohcejogas -projeakta lea vuolgán erenoamáš bures johtui. Projektii leat vuolgán fárrui 14 ohcejohkalaš fitnodaga birra gieldda.

Dáid fitnodagaid lassin projeakta galgá leat ávkin maiddái Ohcejoga eará fitnodagaide, doaibmiide ja mátkkálaččaide. Lasi projeavtta ulbmiliin ja doaimmain sáhttá lohkat projeaktasiiddus.

Konsultafitnodat FCG lea dahkagoahtán projeavtta vásttolaš- ja činahisvuođačielggademiid. Projeakta álggaha stuorra kampánja turismma vásttolašvuođas vel dán jagi bealde. Maiddái boazodoalu oainnut váldojuvvojit vuhtii projeavtta iešguđet muttuin.

Projeakta viggá váldit vuhtii guovllu fitnodagaid, eará doaibmiid ja gieldalaččaid sávaldagaid. Buot projeavtta guoski áššiin sáhttá leat oktavuođas projeaktahoavda Sonja Sistonenii (040 635 9277, sonja.sistonen@utsjoki.fi).