Oza sode-bálvalusaid sápmelaš ovdánahttiáššehassan! Ovdánahttiáššehasat ožžot vuollegis šielmmá skuvlejumi ja bálkká oassálastimis
17.2.2022
Katri Lehtola – Keksi – STM
Čohkánehkot já vuššot gáfiid. Amma ovdánahttigoahtit ovttas sámegielat ja kultuvrra mieldásaš sosiála- ja dearvvasvuođabálvalusaid? Mii ohcat ovdánahttiáššehasaid erenoamážit bearrašiid bálvalusaid ja mielladearvvasvuođa- ja gárrenávnnasbálvalusaid ovdánahttimii!
Sápmelaš ovdánahttiáššehas oassálastá bálvalusaid plánemii, árvvoštallamii ja ovdánahttimii ovttas sosiála- já dearvvasvuođafuolahusa bargiiguin. Sus leat mokta, ideat ja jurdagat bálvalusaid ođasmahttima várás.
Ovdánahttiáššehas buktá iežas bálvalusvásáhusaid ovdánahttinbarggu doarjjan. Ovdánahttiáššehasdoaimmas ávkkástallat bálvalusaid geavaheaddjiid ja ámmátolbmuid vásáhusaiguin bálvalusaid plánemis já ovdánahttimis. Ovdánahttiáššehas oassálastá bálvalusaid buorideapmái juogo ovttaskas olmmožin dahje joavkkus.
Ovdánahttiáššehassan lea vejolaš váikkuhit boahtteáiggi bálvalusaid doaibmamii ja kvalitehtii. Don heivet
ovdánahttiáššehassan, go leat badjel 18-jahkásaš sosiála- ja/dahje dearvvasvuođabálvalusaid geavaheaddji ja háliidat dikšut áššiidat sápmelaš kultuvrra mieldásaš sode-bálvalusain. Mis lea ovttas vejolašvuohta váikkuhit bálvalusaid lágideapmái ja ovdánahttimii áššehasaid láganin!
Ovdánahttiáššehasat ožžot vuollegis šielmmá Sápmelaš ovdánahttiáššehas -skuvlema sihke bálkká ovdánahttinbargui oassálastimis. Jos leat beroštuvvan ovdánahttiáššehasdoaimmas, almmut iežas mielde jogo dán liŋkkas dahje váldde oktavuođa prošeavtta bargiide (dieđut vuolábealde). Skuvlejumi vuosttas deaivvadeapmi lágiduvvo gáiddusoktavuođaid bokte 1.3.2022 dii 15.30–16.45.
Lassedieđut, oktavuođaváldimat ja almmuheamit:
Niila Rahko
Áššedovdi, sámegielat ja kultuvrra mieldásaš bálvalusat
Boahttevuođa sode-guovddáš -prošeakta
040 638 6858
niila.rahko@poske.fi
Aino Riihimäki
Plánejeaddji, sámegielat ja kultuvrra mieldásaš mánáid, nuoraid ja bearrašiid bálvalusat
Boahttevuođa sode-guovddáš -prošeakta
040 660 2064
aino.riihimaki@poske.fi