Sosiála- ja dearvvasvuođadoaibma dieđiha
Stáhtaráđđi ii šat atte dihto ahkerádjái vuođđuduvvi ávžžuhusa garvit fysalaš kontávttaid. Lagaškontávttain lea liikkáge buorre čuovvut ain várrugas vuogi guorahallamiin oktagaslaččat, váldimiin vuhtii olbmo oppalašdili ja su iežas riskadahkkiid.
Dálkasiid ruoktot juohkima nohkan 13.7.2020
Ohcejoga gielddas mii eat šat doaimmat badjel 70-jahkásaččaid dahje muđuid riskajovkui gulli olbmuid dálkasiid ruoktot juohkimiin baicce máhccat ovdal koronaráddjemiid leamašan vuohkái. Dát dárkkuha dan, ahte dat olbmot, geat eai gula ruoktodivššu dahje ruoktobuohccidivššu birii, diŋgojit ieža dálkasiiddiset nugo ovdal spiehkastatdili.
Suddjemiid geavaheapmi dearvvasvuođaguovddážis
Dearvvasvuođaguovddážis jotket máskkaid geavaheami. Geavadis dát dárkkuha dan, ahte sihke bargoveahka ja áššehasat geavahit njálbme-njunnesuoji go fidnet Ohcejoga dearvvasvuođaguovddážis. Dát vuođđuduvvá Sámi buohccidikšunbiire ávžžuhussii man mii čuovvut Ohcejogas.