Vuollái 70-jahkásaš 1. riskajovkui gullevaš olbmot sáhttet almmuhit iežaset koronavirusboahkoheapmái Ohcejogas
2.3.2021
Vuollái 70-jahkásaš, THL meroštallama mielde 1. riskajovkui gullevaš gieldalaččat sáhttet dál almmuhit iežaset koronavirusboahkoheapmái.
Ohcejoga dearvvasvuođafuolahus merke buot almmuhusaid bajás ja juohká boahkohanáiggiid riskajoavkku siskkáldas boahkohanortnega vuođul. Vuosttas boahkohanáiggiid lea vuordimis vejolaš ordnet vahkkui 10.
Joavku 1: Olbmot, geain lea buozalmasvuohta dahje dilli, mii dagaha erenomáš stuorra riskka duođalaččat buohccát koronavirusa geažil
- Orgánatransplantašuvdna dahje dákteađatransplantašuvdna (su. elinsiirto tai kantasolusiirto)
- Aktiivvalaš divššu borasdávda
- Immunaortnega váigadis hehttehus
- Váigadis bissovaš manimušsivva
- Váigadis bissovaš geahpessivva
- Tiippa 2 diabetes, mii dikšojuvvo dálkasiiguin
- Down-syndroma (ollesolbmot)
Dán jovkui gullevaš olbmot sáhttet almmuhit iežaset boahkoheapmái telefovnna bokte 040 758 2073 dáid áiggiid:
- du 4.3. dmu 13–15
- vu–be 8.–12.3. dmu 8–9
Olmmoš galgá muitalit almmuheami oktavuođas, makkár ákkaiguin son gullá 1. jovkui. Jos dán jovkui gullevaš gieldalaš leamašan jo árat oktavuođas gieldda dearvvasvuođafuolahussii, son ii dárbbaš almmuhit iežas ođđasis.
Badjel 70-jahkásaččaid boahkohusat leat ain gaskan Ohcejogas. Gieldda dearvvasvuođafuolahus lea oktavuođas sierra buot badjel 70-jahkásaččaide, eaige sii dárbbaš ieža dahkat almmuhusa.