12.7.2021 rájes Gáregasnjárgga ja Njuorggáma rádjabáikkiin dahkkojit koronavirusiskosat dušše deivvolaččat.
Lappi guovlluhálddahusdoaimmahat lea 7.7.2021 mearrádusainis heaittihan guovllu rájárasttildanbáikkiid guoski njoammudávdalága 16 §:s oaivvilduvvon mearrádusa bákkolaš dearvvasvuođadárkkistemiin.
Riikkabeaivvit leat dohkkehan njoammudávdaláhkii dahkkon gaskaboddasaš rievdademiid, mat bohtet fápmui 12.7.2021.
Supmii boahtti olbmuin gáibiduvvo 12.7.2021 rájes duođaštus ožžoduvvon koronavirusmaŋŋálasboahkuheamis dahje guđa mánotbaji siste buhccojuvvon koronavirusdávddas. Jos olbmos lea ovdanbuktit duođaštus juoppásgoappás ovddabealde máinnašuvvon áššis, eai sus leat Supmii boađedettiin eará dearvvasvuođadorvvolašvuhtii laktáseaddji geatnegasvuođat.
Geatnegasvuohta ovdanbuktit duođaštusa dahje oassálastit iskosii ii guoskka olbmuid, geat bohtet Supmii riikkas dahje guovllus, gos koronavirusdávdda njoammunlohku dahje nuppástuvvan virusa dábálašvuohta ii dagat erenoamáš epidemiija leavvama riskka. Stáhtaráđđi lea addán ásahusa dáid riikkain ja guovlluin. Dát leat Australia, Hongkong, Islánda, Israel, Kiinná, Macao, Malta, Polska, San Marino, Singapore, Ođđa-Selánda ja Vatikána sihke Norgga Stuorravuona, Gáivuona, Ráissa, Guovdageainnu, Kárášjoga, Deanu, Unjárgga ja Máttavárjjat gielddat. Ásahus sáhttá rievdaduvvot jos epidemiijadilit nuppástuvvet.
Jos riikii boahtti olbmos eai leat máinnašuvvon duođaštusat dievas maŋŋálasboahkuheamis dahje buhccojuvvon koronavirusdávddas, galgá sus leat
- duođaštus ovdal riikii boahtima dahkkojuvvon negatiivvalaš koronavirusiskosis dahje
- duođaštus unnimustá 14 jándora ovdal riikii boahtima ožžojuvvon vuosttas boahkuheamis.
- guktuin máinnašuvvon dáhpáhusain olmmoš galgá lassin fitnat iskosis 3–5 jándora geahčen riikii boahtimis
Riikii boađedettiin galgá deavdit Lapland Entry -skovi. Dan sáhttá deavdit ovddalgihtii elektrovnnalaččat.
12.7.2021 rájes Gáregasnjárgga ja Njuorggáma rádjabáikkiin dahkkojit koronavirusiskosat dušše deivvolaččat.
Iskosváldin Ohcejogas lea
- Ohcejoga dearvvasvuođaguovddáš, Seitatie 1A, 99980 Ohcejohka (rájárasttildanbáikkis sullii 800 mehtera máttás Njelješgeaidnoráigge Avvil guvlui)
- Iskosváldin birra jándora: árgabeivviid tel. 040 181 0285, eahkedis ja vahkuloahpaid tel. 040 181 0281
Vai rádjerasttildeapmi livččii buohkaide nu njuovžil go vejolaš, mii bivdit sihke deavdit riikii boahtinskovi ja fuolahit dárbbašlaš dokumeanttaid, ja fitnat koronaiskosis jo ovdal riikii boahtima, jos dat lea vejolaš.
Lassedieđut:
Vástideaddji doavttir tel. 040 181 0284
Dikšunbarggu hoavda Päivi Kontio tel. 040 181 0280