Almmut mánáid ja nuoraid sámegielaid gáiddusoahpahussii lohkanjahkái 2021–2022!
Almmuheapmi guoská sihke ođđa ja dálá oahppiid, geat jotket fitnu oahpahusas.
Dál lea vejolaš almmuhit mánáid ja nuoraid Sámegielaid gáiddusoahpahusa pilohttafitnu oahpahussii lohkanjahkái 2021–2022.
Almmuheapmi oahpahussii dahkkojuvvo elektrovnnalaš Webropol-skoviin, masa liŋkkaid gávnnat vuolábealde. Almmuheapmi guoská sihke ođđa ja dálá oahppiid, geat jotket fitnu oahpahusas.
Almmuheami sáhttá dahkat oahpahusa lágideaddji, rektor dahje oahppi fuolaheaddji. Go almmuheami dahká fuolaheaddji, sávvat fuolaheaddji váldit oktavuođa oahppi skuvlii, ja muitalit, ahte oahppis lea miella ja vejolašvuohta oassálastit sámegiela gáiddusoahpahussii. Almmuhanáigi bistá 31.3.2021 rádjái.
Sámegielaid gáiddusoahpahusa pilohttafitnu jođiha Ohcejoga gielda ja koordinere Sámediggi. Fidnu joatkašuvvá gitta jagi 2023 giđđalohkanbaji lohppii, ja dan ruhtada oahpahus- ja kulturministeriija.
Gáiddusoahpahusfidnu fállá sámegiela (anáraš-, nuortalaš- dahje davvisámegiela) vuođđooahpahusa dahje logahatskuvlejumi dievasmahtti sámegiela oahpahusa guokte vahkkodiimmu sámeoahppiide, geat orrot sámiid ruovttuguovllu gielddaid olggobealde. Maiddái ovdaoahpahusa oahppit sáhttet oassálastit fitnu oahpahussii. Fidnu ii fála oahpahusa rávesolbmuide.
Oahppi ii dárbbaš máhttit sámegiela ovddežis. Juohke sámegielas leat iežas oahpahusjoavkkut. Oahppit juhkkojuvvojit joavkkuide luohkká- ja gielladási mielde. Fidnu viggá lágidit oahpahusa gielain ja joavkkuin, main leat unnimustá guokte oahppi dahje studeantta.
Amma fuomášat ahte Oulu, Roavvenjárgga, Jyväskylä ja Helssega gávpogat lágidit davvisámegiela oahpahusa lagašoahpahussan. Jos dus lea miella searvat oahpahussii, váldde oktavuođa iežat skuvlla rektorii dahje gávpoga skuvlavirgedoaimmahahkii!
Ođđa ja dálá oahppiide leat iežaset almmuhanskovit. Bivdit deavdit juohke oahppái iežas skovi.
Sámegielaid gáiddusoahpahusfidnu lágida njukčamánus infodilálašvuođa oahpahusa lágideaddjiide ja váhnemiideahkeda áššis beroštuvvan váhnemiidda ja sidjiide, geat oassálastet gáiddusoahpahussii. Dilálašvuođaide ii dárbbaš almmuhit iežas ovddalgihtii.
Sámegielaid gáiddusoahpahus – boahttevuođa huksen
diehtojuohkindilálašvuohta oahpahusa lágideaddjiide
gas 17.3.2021 dmu 17.00-17.30
Liŋka: Searvva dilálašvuhtii spoahkkalemiin dás
Sámegielaid gáiddusoahpahusa váhnemiideahket
gas 24.3.2021 dmu 18.00-18.30
Liŋka: Searvva dilálašvuhtii spoahkkalemiin dás
Buresboahtin sámegielaid gáiddusoahpahussii!
Hanna Helander, prošeaktahoavda
040 7012 094
Unna-Maari Pulska, fidnokoordináhtor
040 6145 949
Arla Magga, fidnokoordináhtor
040 1985 033