Dieđihandilálašvuohta: Boazocagganáiddi ceggen gaskkal Áŋŋel-Boares Gáregasnjárga
13.5.2024
Lappi EJB-guovddáš lágida dieđihandilálašvuođa, mas muitalit boazocagganáiddis, mii huksejuvvo
Anárjohgáddái. Dilálašvuohta lea čujuhuvvon eananeaiggádiidda ja earáide, geat leat beroštuvvan áššis.
Dieđihandilálašvuođas muitalit gosa áiddi leat plánen cegget meahcis ja mot áidun ollašuhttojuvvo.
Suoma ja Norgga gaskasaš stáhtasoahpamušas lea sohppojuvvon, ahte Suoma stáhta cegge boazocagganáiddi gaskkal Áŋŋel-Boares Gáregasnjárga. Ođđa áidi ceggejuvvo, vai estet bohccuid beassamis nuppi stáhta guvlui.
Áiddi ceggema ja fuolaheami bearráigeahččá Suoma ja Norgga oktasaš, stáhtasoahpamuša
boazoáidekomišuvdna.
Bures boahtin dieđihandilálašvuhtii
maŋŋebárgga 14.5.2024 dmu 17.00–19.00 Gáregasnjárggas, Hotealla Guossái (čujuhus Ylätenontie
32)
Dieđit dilálašvuhtii 13.5. rádjái: link.webropol.com/ep/poroesteaita. Seammás sáhtát sáddet
hálliide gažaldagaid ovddalgihtii.
Guossohat gáfe ja teaja ovdal go dilálašvuohta álgá, dmu 16.30 rájes.
Jus háliidat, sáhtát oassálastit dieđihandilálašvuođa njuolggosáddagii neahta bokte.
Neahttadilálašvuhtii iežaset dieđihan olbmuide sáddejuvvo oassálastinliŋka šleađgapoasttain.
Dieđihandilálašvuođa prográmma báddejuvvo ja báddi lea geahččan láhkai EJB-guovddáža
YouTube-kanálas 17.5. rájes.
Prográmma
Stáhtasoahpamuš ja boazoáidekomišuvnna rolla ollašuhttimis
boazoáidekomišuvnna Suoma beale ságajođiheaddji, ovttadaga hoavda Hannu Linjakumpu,
Lappi EJB-guovddáš
Stáhtasoahpamuša ollašuhttin ja metodat ja buhtadusat bohccuid rádjerasttildeamis
rihkuskomissára Kirsi Huhtamäki, Lappi boleslágádus
Cagganáiddi ceggenmuttut ja osolaččaid vuoigatvuođat
eananmihtidanráđđeaddi Markku Markkula, Eananmihtidanlágádus
Cagganáiddi linnjenplána
áidebargguid jođiheaddji Kari Henttunen, Bálgosiid ovttastupmi
Geasi 2024 meahccebarggut
boazodoalloáššedovdi Päivi Kainulainen, Lappi EJB-guovddáš
Ságastallan
Lassidieđut:
ovttadaga hoavda Hannu Linjakumpu, tlf. 0295 037 083
boazodoalloáššedovdi Päivi Kainulainen, tlf. 0295 037 038
ovdanamma.sohkanamma@ely-keskus.fi