Gielddaráđđehus čoahkkana vuossárgga 9.10. gieđahallat gielddahoavdda virggi deavdima
4.10.2023
Ohcejoga gielddaráđđehus čoahkkana vuossárgga 9. beaivve golggotmánu.
Gielddaráđđehus mearrida gielddahoavdda virggi deavdima joatkkadoaimmain. Gielddahoavdda virgái leat evttohassan 32 ohcci ja okta virgái miehtan olmmoš. Virggi jotkojuvvon ohcanáigi nogai 29. beaivve čakčamánu.
Dasa lassin gielddaráđđehus addá váldostivrii evttohusaidis boahtte jagi boahto- ja giddodatvearroproseanttain, bázahusmáksotávssaid bajádusas ja erenomášluohkáoahpaheaddji virggi vuođđudeamis.
Gielddaráđđehus mearrida maiddái earret eará gieldda searvamis Davvi- ja Nuorta-Lappi oktasaš barggolašvuođaguovllu vuođđudeapmái ja addá váldostivrii evttohusaidis dasa guoskevaš áššiin.
OAHPÁSMUVA EVTTOHUSLISTUI
Sáhtát oahpásmuvvat čoahkkima olles evttohuslistui dákko. Čoahkkinbeavdegirji almmustahtto dárkkisteami maŋŋá min neahttasiiddus.