Inarin Lapin Vesi Oy almmuha: Njuorggán guovllu kundariidda buhtadusat čázi vuoššanávžžuhusa áiggis
Beaiváduvvon 31.5.2021
Inarin Lapin Vesi Oy dieđiha:
Inarin Lapin Vesi Oy buhtada Njuorggán guovllu kundariidda čázi vuoššanávžžuhusa áiggis (8.4.–20.5.2021) čázi vuođđomávssu ja lassin vihtta (5) kubihka čáhce- ja bázahusčáhcemávssus.
Buhtadus dahkko čuovvovaš rehkegii.
Lassidieđut:
Beaivválaš jođiheaddji Paulus Lepistö
tel. +358 40 732 93 15
*****
Inarin Lapin Vesi Oy dieđiha (20.5.):
Maiddái Njuorggána badječáhcetáŋkka nubbi čájánas lei buhtis, ja čázi ii leat šat dárbu vuoššat Njuorggána čáhcefierpmádaga guovllus.
Mii dieđihat Njuorggána fierpmádaga kundariid vejolaš buhtadusain vuoššanávžžuhusa geažil lagaš áiggiid, go leat gieđahallan ášši.
Mii giitit kundariid fatnamis dán spiehkastatdilis.
*****
Inarin Lapin Vesi Oy dieđiha (7.5.):
Badječáhcetáŋkka čájánasas lei ain unna mearri E. Coli, muhto čáhcefierpmádagas váldon guovtti čájánasas ii lean šat baktera.
Čázi vuoššanávžžuhus bissu ain fámus, vaikko dilli leage čielgasit buorráneamen.
Váldit vuot boahtte vahkus ođđa čájánasaid.
Mii váidalat šaddan hehttehusa.
*****
Inarin Lapin Vesi Oy dieđiha (22.4.):
Váldit duorastaga 22.4. aškkasjieŋa badječáhcetáŋkka lahka Njuorggámis. Častasa váldima oktavuođas boatkana mohtorgielkámáđii dakko bokte ja várra joga badjel manni šaldi bieđgana. Áškkasjieŋa eret váldimiin figgat eastit bajildusčáziid beassama badječáhcetáŋkii.
*****
Inarin Lapin Vesi Oy dieđiha (21.4.2021):
Álgodieđuid mielde badječáhcetáŋkkas lea ainge E. Coli, nu ahte vuoššanávžžuhusa šaddá joatkit. Várrečáhcejuohkin jotkojuvvo ain.
Mii váidalat šaddan hehttehusa.
*******
Inarin Lapin Vesi Oy dieđiha (16.4.2021):
13.4. váldojuvvon čáhcečájánasain ožžojuvvon álgobohtosiid mielde badječáhcetáŋkkas lei velá E. Coli -baktera, nu ahte mii gártat joatkit vuoššanávžžuhusa. E. Coli -bakteradoallu lea luoitán árabu ektui ja čáhci lea čalbmosit čielgasut. Čázi vuoššanávžžuhusa heaittiheami sáhttit čuovvovaš háve árvvoštallat boahtte vahku álggus váldojuvvon čáhcečájánasaid vuođul. Álgobohtosiid navdit leat dieđus gaskavahko dahje duorastaga.
Njuorggáma čáhceáššehasaide buhtaduvvo vuođđomáksooassi vuoššanávžžuhusa áiggis.
Njuorggáma oasil Inarin Lapin Vesis lea ođđa táŋkka skáhpponráđđádallamat jođus. Dán ođđa badječáhcetáŋkaollisvuhtii lea ulbmil gullat maid UV-desinfieren, mainna vejolaš bakteraváttisvuođaid nákcet eastit.
Mii šállošat šaddan hehttehusa.
****
Inarin Lapin Vesi Oy almmuha (8.4.2021):
Maŋŋebárgga váldojuvvon čáhcečájánasain lea gávdnon E.Coli baktera. Dan dihte Inarin Lapin Vesi Oy addá čázivuoššanávžžuhusa Njuorggáma gillái. Sihke juhkančázi ja čázi, man geavaha biepmu ráhkadeamis, galgá vuoššat unnimustá vihtta (5) minuhta. Čáziin sáhttá basadit dábálaččat. Mii buktit guokte várrečáhcestašuvnna Njuorggáma gillái.
Mii šállošit dili ja dieđihit fas, go fidnet eanet dieđuid dilis.
****
Inarin Lapin Vesi Oy almmuha (5.4.2021):
Áššehasa almmuheami vuođul bargi finai vuossárgga 5.4.2021 dárkkisteamen čáhceváldima ja badječáhcetáŋkka Njuorggáma gilis. Čáhceváldinrusttega čáhci lea čielggas, muhto badječáhcetáŋkka čázis lea oaidnimis veháš ivdni. Táŋkii orru beassamin čáhci biras eatnamis ja dát jáhkkimis dagaha ivnni čázis.
Mii geahččalit váldit maŋŋebárgga 6.4. čázis badjelmearálaš čájánasaid čázi hygienalašvuođa sihkkarastima dihtii.
Mii addit guvlui čázi vuoššanávžžuhusa dassái go oažžut laboratorias čájánasaid bohtosiid. Ovddit čájánas Njuorggámis lea váldojuvvon 23.2. ja dalle čáhci devddii lági hárrái biddjojuvvon gáibádusaid, vaikke ivdni čázis lei jo dalle.
Mii dieđihit dilis lasi maŋimustá bearjadaga 9.4., goas čáhcečájánasat galggašedje leat gárvát.
Mii šállošit dili.