Ohcejoga gielda almmuha ohcan láhkai gielddainšenevrra mearreáigásaš virggi
3.11.2023
Leatgo beroštuvvan mearreáigásaš virggis, hohppos prošeaktabarggu sajis? Ohcejoga gieldda eallinfápmo- ja teknihkalaš lávdegoddi lea mearridan rahpat gielddainšenevrra virggi mearreáigái 1.1.2024–31.7.2025. Mii ohcat aktiivvalaš ja movttegis huksenteknihka inšenevrra, geas lea barggánis luondu ja rivttes doaladupmi dán bargui.
Ohcejohka lea sullii 1200 ássi gielda, mii gudnejahttá sápmelaš árbevieruid ja geahččá roahkkadit boahtteáigái. Dohko fárrejit buriid bálvalusaid, dorvvolašvuođa ja lagas luonddu dihte. Gielddainšenevrra barggus lea stuorra váikkuhus gieldalaččaid árgii ja buresveadjimii.
Gielddainšenevra bargá giddodatfuolahusa ja čorgejeaddjiid hoavdan, fuolaha, láigoha, ovddida ja hovde giddodatopmodaga. Bargui gullet fuolaheami ja bajásdoalahusa fitnuid plánen ja plánema bagadallan, gilvalahttin, bearráigeahččan- ja huksehanbarggut ja gieldda infra fuolaheapmi ja investeremat.
Gielddainšenevra bargá eallinfápmo- ja teknihkalaš lávdegotti ja teknihkalaš doaibmasuorggi hoavdda bargin ja válmmaštallin iežas doaibmasuorgái gullevaš áššiin lávdegoddái.
Gielddas geavahit Granlund Manager -giddodathálddašanprográmma.
Virgái válljejuvvon olbmos gáibiduvvo:
– huksenteknihka inšenevrra skuvlejupmi ja buorre huksenteknihka buvttadeami máhttu
– gieldasuorggi dovdan ja bargohárjánupmi hoavdabargguin
– máhttu iehčanas bargui ja mearrideapmái
– buorit ovttasbargodáiddut
– háhkanmáhttu ja bargohárjánupmi gilvalahttimis
Atnit árvvus maid dáid dáidduid:
– máhttu oahppat ja motivašuvdna bargat gieldasuorggis,
– gearggusvuohta ovddidit ođđa doaibmanmálliid ja geavahit digitálalaš gaskaomiid,
– suvdilis ovdáneami ja eallingeardemálle máhttin,
– giddodatsuorggi skuvlejupmi (hovden).
Mii fállat dutnje
– vásttolaš ja iehčanas rolla organisašuvnnas
– almmolaš sektora buorit luopmoovddut ja čielga bargoeavttut (DS)
– bargodearvvašvuođafuolahus
– doaimma bálká čuovvu DS (TS)
– gielda lea árvvuidis dáfus máŋggakultuvrralaš ja sikte ovddosguvlui
Doaimma gelbbolašvuođaeaktu lea hukseninšenevrra dutkkus.
Sámegiela dáidu gehččo ohccái ovdun.
Doibmii heivehuvvo guđa (6) mánotbaji geahččalanáigi.
Bivdit sáddet ohcamušaid 24.11.2023 dii. 15:00 rádjai vuosttažettiin elektrovnnalaččat Kuntarekry-vuogádaga bokte www.kuntarekry.fi. Jos elektrovnnalaš ohcamuš ii leat vejolaš, de sáhttá ohcamuša oktan oahppo- ja bargoduođaštusaiguin sáddet poastta mielde čujuhusain: Ohcejoga gielda, teknihkalaš doaibma, PL 41, 99981 OHCEJOHKA dahje šleađgapoasttain tekninen@utsjoki.fi.