Ohcejoga gielda ja SOG ohcet turismafitnodatdoalliid ja duojáriid ođđa ovttasbargoprojektii

Ohcejoga gielda lea ovttas Sámi oahpahusguovddážiin plánemin projeavtta, mainna vigget gávdnat ođđa ovttasbargovejolašvuođaid ja -málliid erenoamážit duoji, turismma ja dasa laktáseaddji skuvlejumi suorgái. Oktan konkrehta ulbmilin lea ovddidit dinenmálliid duodje- ja turismafitnodagaid ovttasbargui.

Projeakta sisttisdoallá golbma bargopakeahta, main earret eará ovttastahttet turisma- ja boazoturismaealáhusaid duodjeealáhusain ja skuvlejumiin. Dasa lassin projeakta ordne Ohcejoga dáiddavahku, man prográmmas leat iešguđetlágan ovdanbukti dáidagat, muhto vuođđun goittotge giehtaduojit.

Projeakta ohcá oassálastin turismafitnodatdoalliid ja buotlágan duojáriid, maiddái sámi duodječehpiid. Oassálastit sáhttet leat jogo registrerejuvvon fitnodatdoallit dahje olbmot, geat plánejit álgit fitnodatdoallin.

Projeavtta hálddahusas vástida Sámi oahpahusguovddáš. Doaibmaguovlu lea vuosttas sajis Ohcejoga gielda. Projeakta álgá 1.3.2021 ja bistá 16 mánu. Oassálastiin gáibiduvvo iežaset unna ruhtadanoassi.

Janne Näkkäläjärvi

ovddidanhoavda, Sámi oahpahusguovddáš

tel. 040 759 9427

janne.nakkalajarvi@sogsakk.fi

Johanna Mikkola

vs. ovddidan- ja ealáhushoavda, Ohcejoga gielda

tel. 0400 151 294

johanna.mikkola@utsjoki.fi