Ohcejoga gielddas leat 22.1.2022 rádjai fámus badjel 20 heakka čoahkkananráddjehus, gáiddusbargoávžžuhus ja viiddes máskaávžžuhus buot almmolaš báikkiin siste
23.12.2021
Vearránan koronadili dihtii Lappi guovlohálddahusdoaimmahat lea gieldán njoammudávdálaga 58 § 1 momenta vuođul Lappi eanagotti gielddain buot badjel 20 olbmo álbmotdilálašvuođaid ja almmolaš čoahkkimiid, mat lágiduvvojit siste, áiggis 23.12.2021–22.1.2022. Álbmotdilálašvuođat leat álbmogii rabas guoimmuhandilálašvuođat, ovdamearkka dihte konsearttat dahje falástallandáhpáhusat. Almmolaš čoahkkin oaivvilda miellačájáhusa dahje eará dilálašvuođa, mii vuođđuduvvá čoahkkananfriijavuhtii.
Lassin Ohcejoga gielddas lea 22.12.2021–22.1.2022 fámus gáiddusbargoávžžuhus ja ávžžuhuvvo geavahit máska buot almmolaš báikkiid siste ja johtolagas dalle, go ii leat vejolaš doallat dorvogaskka earáide.
Lappi guovlohálddahusdoaimmahat geatnegahttá dan lassin ordnet álbmogiid rabas ja diehto áššehasaide- dahje oasálastiide dárkkuhuvvon báikiid geavaheami nu, ahte lea vejolaš eastadit njoammuma riskka lagaškontavttain áššehasaid ja doaimmaide oasálasti olbmuin. Loga áššis lasi Lappi guovlohálddahusdoaimmahaga neahttasiidduin dáppe.
Ohcejoga gielda ávžžuha maid, ahte privahtadilálašvuođain čuvvojuvvojit maid čoahkkananráddjehusat ja figgat geahpeđit lagaškontavttaid dagahan njoammunriskka.
Ohcejoga gielda muittuha maiddái koronadorvvolašvuođa eará vuođđorávvagiin:
- Ále vuolgge buohccin almmolaš báikkiide. Jos dus leat makkárnu koronavirusii gullevaš dávdamearkkat, ohcal koronatestii.
- Fuolat ain guovtte (2) mehter dorvogaskkain ja giehta- ja gossanhygieniijas.
- Oahpásmuva koronaáiggi galledanrávvagiidda ovdal gallestalat seaŋgaossodagas, Dorvvus, Seitakartanos dahje Aspas.
Gávnnat lasi dieđuid guovllu koronavirusdilis koronaturvallinenlappi.fi-siiddus ja Ohcejoga koronatestemiin ja -boahkohemiin gieldda koronasiiddus.