Ohcejogas lea gávdnon nubbi koronavirusnjoammun
Njoammumiid vuolggasadji lea ain eahpečielggas.
Ohcejoga seaŋgaossodagas lea addojuvvon nubbi positiiva koronavirusčájánas. Njoammun gávdnui seaŋgaossodaga pasieanttas maŋŋebárgga 18.8. Ohcejoga seaŋgaossodagas gávnnahuvvui vuosttas koronavirusdáhpáhus vuossárgga 17.8.
Seaŋgaossodaga pasieanttat ja bargoveahka, geat leamaš dahkamušas koronavirusii buohccán olbmuiguin, leat testejuvvon. Njoammumiid vuolggasadji lea ain eahpečielggas. Buot vejolaš njoammumat kártejuvvojit systemáhtalaččat ja olbmot ožžot áššis dieđu persovnnalaččat.
Ohcejoga dearvvasvuođaguovddážis, Seitakartanos, Dorvus ja Aspas lea dán dilis gallestallangielddus. Dearvvasvuođaguovddáža pasieantavuostáiváldimat dikšojuvvojit gáiddus- dahje telefonoktavuođain.
Ohcejoga gielda lasiha almmolaš lágádusaidis čorgema ja gieđaid desinfiserenbáikkiid. Vástideaddji doavttir Heidi Eriksen muittuha gieldalaččaid buorre giehtahygienas ja muohtomáskaávžžuhusas almmolaš sajiin, main ii leat vejolaš doallat doarvái gaskka eará olbmuide.
Lassidieđut:
Heidi Eriksen
Vástideaddji doavttir
Tel. 040 1810284
Jos eahpidat alddát dahje lagašbirrasis koronavirusnjoammuma, váldde oktavuođa Ohcejoga dearvvasvuođaguovddážii (árgan diibmu 8-16 tel 040 1810285, vahkuloahpaid, eahkediid ja árgabasiid tel 040 1810281).
Koronavirusa dábálaš dávdamearkkat leat earret eará feber, gosahat, oaivebávččas, illáveadjin, luhčadávda, deahkkebákčasat, čottabávččas, nuorvu, vuoigŋanváttisvuođat ja hádja- ja smáhkkaáiccu hedjoneapmi. Mánáin dávdamearkkat sáhttet leat láivvit ja bistit oanehis áiggi. Koronavirusdávdda mearkkaid ii sáhte earuhit eará virusdávddaid mearkkain earágo koronavirusteasttain.
Lasi dieđuid koronavirusdilis gávnnat earret eará Ohcejoga gieldda ja THL neahttasiiddus.