Sámegielat giellalávgun buohkaide! – Buresboahtin buohkaide rabas oahppodiimmuide sámi giellavahkus
Sámegielaid gáiddusoahpahusa pilohttaprojeakta (su. Saamen kielten etäyhteyksiä hyödyntävän opetuksen pilottihanke) lágida ovttas Sámi oahpahusguovddážiin Sámegielat giellalávgun buohkaide! -oahppodiimmuid sámi giellavahku gudnin 20.–22.10.
Oahppodiimmuid dárkkuhussan lea movttiidahttit ja oahpásmahttit oassálastiid sámegielaide giellalávgunmetodaiguin, nappo nu, ahte oahpaheaddji hállá oahppodiimmuin eanaš sámegiela. Diimmut sisttisdollet lávlagiid, hoahkamiid ja spealuid!
Oahppodiimmut dollojuvvojit Microsoft Teams bokte. Gávnnat vuolábeale govas oahppodiimmuid áiggiid, fáttáid ja oassálastinrávvagiid. Gávnnat suomagielat rávvagiid ja njuolggoliŋkkaid Teamsii dáppe.
Diimmut leat rabas buohkaide, geat leat beroštuvvan sámegielas. It dárbbaš almmuhit iežat ovddalgihtii. Buresboahtin!
Diimmut báddejuvvojit ja báttit almmustahttojit diimmuid maŋŋá dáppe.
Sámegielaid gáiddusoahpahusa pilohttaprojeavtta hálddaša Ohcejoga gielda ja koordinere Sámi oahpahusguovddáš. Pilohttaprojeavtta ruhtada oahpahus- ja kulturministeriija.
Hanna Helander, projeaktahoavda
tel. 040 7012 094
Arla Magga, projeaktakoordináhtor
tel. 040 1985 033
Tiisu-Maria Näkkäläjärvi, plánejeaddji
tiisu-maria.nakkalajarvi@sogsakk.fi
tel. 040 378 0304