Spiehkastatdilli nogai maŋŋebárgga 16.6.2020
Ráđđehus árvvoštalai vuossárgga 15. geassemánu iežas oažžun diligovvideami vuođul, ahte koronavirusepidemiija lea ráđđemis virgeoapmahaččaid jeavddalaš doaibmanfápmudusaiguin. Stáhtaráđđi attii oppalaščoahkkimisttis gárvvisvuođalága doaibmanfápmudusaid geavaheami gomihanásahusaid ja gávnnahii, ahte riikkas ii leat šat spiehkastatdilli. Spiehkastatdili nohkan boahtá fápmui maŋŋebárgga 16. geassemánu.
Ráđđehus gávnnahii, ahte dávdadilli ja eandalii sosiála- ja dearvvasvuođafuolahusa reahkkán ja beavttálmahttondivššu kapasitehta seamma go álbmoga suddjen eai šat dán epidemiologalaš dilis dárbbaš doarjjan doaimmaid, mat bargojit gárvvisvuođalága doaibmanfápmudusaiguin.
Stáhtaráđi dieđáhusa sáhtát lohkat oppalohkái dáppe.
Spiehkastatdili nohkan ii dárkkut dan, ahte dili ja epidemiija ođđasit bohciideami áitta livččii meattá. Oassi spiehkastatdili áigge addojuvvon rávvagiin leat ain fámus virgeoapmahašmearridemiin njoammundávdalága (1227/2016) vuođul. Omd. iežas suddjen riskajoavkkuide ruoktot addin bálvalusain, dearvvasvuođaguovddážis sihke ossodagain ja divššodan- ja fuolaatninossodagain dáhpáhuvvi galledemiid áigge.
Dás ovddosge lea nappo deaŧalaš čuovvut ávžžuhusaid: bassat gieđaid sihke fuolahit doarvái guhkes dorvogaskkas!
Jos dovddat dávdamearkkaid buohccámis, de amma válddát oktavuođa vuos TELEFOVNNA BOKTE
- árgan diibmu 8-16 Ohcejoga dearvvasvuođaguovddáža vuostáváldimii 040 181 0285
- Eahkedis, ihkku, vahkuloahpaid ja árgabasiid áigge gohcin lea Anára dearvvasvuođaguovddážis Avvilis tel. 040 770 9187. Láivvit dáhpáhusain sáhtát leat oktavuođas maiddái Ohcejoga dearvvasvuođaguovddáža seaŋgaossodahkii tel. 040 181 0281 dahje 040 181 0282.
Vulobealde buohccidikšunbiire geassesátta lappilaččaide: Doaibmat koronadorvvolaččat maiddái geassit
Sáhtát lohkat dieđáhusa maiddái dás.
Dollot buohkat ovttas Lappi koronas friijan. Dán háve dávdadilli lea buorre Lappi siste, muhto dilli sáhttá muhttašuvvat. Juohke okta mis sáhttá oasistis sihkkarastit, ahte koronanjoammumat eai mis Lappis leava.
Mis lea maŋábealde hui earálágan giđđa ráddjendoaibmabijuid geažil. Korona geažil spiehkastatdilli šaddá joatkašuvvat velá muhtun áiggi ja danin lea deaŧalaš doaibmat nu luomu áigge, asttuáigge go barggusge koronadorvvolaččat eará olbmuid vuhtii váldimiin.
Návddašeatnot geasis, doallot oktavuođa ja deaivvadeatnot lagamuččaid dorvvolaččat, dasgo nuppiiguin dahkamušas leahkin doalaha vuoiŋŋalaš veadjima ja lasiha oadjebasvuođa dovddu. Muitit goittotge friijavuođa mielddisbuktin vásttu.
Deaŧalamos guoigaleamit koronadorvvolaš geassái
- Jos buohccát unnánašge, de mana koronatestii ja bisohala sierra, dassážii go vástádus boahtá. Ná mii fuobmát ovttatge njoammumiid ja sáhttit eastit epidemiija.
- Doala dorvogaskka ovdamearkka dihtii gávppiin ja eará almmolaš lanjain sihke joavkočoahkkanemiin. Oppalohkái garvve joavkočohkiidemiid.
- Gosa dahje gaste ovtta háve geavahanlágan njunnesihkaldahkii dahje iežat suodjái.
- NJálbme-njunnesuoji ávžžuhit geavahit čuovvovaš dáhpáhusain. Go dieđát, ahte deaivvahat lahkalagaid riskajovkui gullevaš olbmuid, de geavat njálbme-njunnesuoji suddjen dihtii sin. Dása heive oktii geavahan láhkai suodji dahje liidnemáska. Jos gulat ieš riskajovkui, de geavat njálbme-njunnesuoji eará váruhandoaimmaid lassin ovdamearkka dihtii gávppiin, almmolaš sajiin ja joavkojohtolatfievrruid fárus suddjen dihtii iežat. Vuosttasadjásaš lea kirurgalaš njálbme-njunnesuodji. Máskka geavaheapmi lea olmmošlaš dahku nuppiid hárrái ja dan gánnáha hárjehallat. Lappi njoammundili muhttašuvadettiin mii addit dárbbu mielde lasseávžžuhusaid.
- Fuolat gieđaid bassamis dahje gieđaid desinferemis máŋgii beaivvis. Smávva giehtadesiboahtal johtá vuohkkasit lupmas!
- Dollot fuola nuppiin: ále báze okto, ále guođe lagamuččat okto!
- Čuovo koronavirusdieđáhusa, nuppiin sániin ng. ”koronadálkedieđáhusa”. Koronadilli ii leat vuos meattá, ja dan geažil ferte ain čuovvut dili ovdáneami, čuovvut rávvagiid ja doaibmat vásttolaččat.
- Leage lagamuččaiguin ja illut geasis!