Boarrásiid dánssat 9.2.2024
30.1.2024
Ohcejoga sámelogahaga boarrásepmosat dánsot bearjadaga 9.2.
Ohcejoga sámelogahagas dánsut fas boarrásiid dánssaid. Logahaga studeanttat bovdejit sin fulkkiid, oahppásiid, skihpáriid ja eará olbmuid čuovvut sin jorggáhallama bearjadaga 9.2. dii. 17.00 skuvlla lihkadansálii. Dánssaid maŋŋel vuođđoskuvlla 9.luohkkálaččain lea kafea, mas guossit sáhttet oastit gáfe, eará juhkosiid ja láibumušaid. Kafeas sáhttá máksit koarttain.
Boarrásiid dánssat leat logahaga nuppi luohká studeanttaid árbevirolaš ávvobeaivi. Árbevieruide gullá, ahte dan beaivve dollojuvvojit nu gohčoduvvon boarrásiid dánssat, gosa studeanttat leat rohtten daid buoremusaid badjelii ja bárralaga jorggáhallet sierralágan musihka mielde. Logahaga nuppi luohká studeanttat ávvudit beaivvi danin, go logahaga studeantačállit leat guođđán skuvlla ja vuolgán rahkánit studeantačállosiidda, nappo nuppi luohkálaččat leat dál skuvlla boarrásepmosat. Maŋimus boarrásiid dánssat leat dánsojuvvon sámelogahas jagis 2017.
Abiturieanttat ávvudit skuvlla nohkama, árbevirolaš Penkkari-beaivvi, ovddit beaivve duorastaga 8.2.
Bures boahtin!