Davi Gievrramus -gilvvut 2022 lágiduvvojit borgemánus, almmuheapmi gilvvuide lea dál rabas!
20.4.2022
Davi Gievrramus -gilvu lágiduvvo dál nuppe háve Ohcejoga girkosiidda falástallangieddis lávvardaga 6.8.2022. Gilvvu ordnejit Ohcejoga gieldda Liikkuva ja hyvinvoiva Utsjoki 2 -prošeakta ja Utsjoen Kuohu -searvi.
Ovddalgihtii almmuheapmi lea rabas 31.7.2022 radjái. Almmuhat iežat gilvui ovddalgihtii máksimin oassálastinmávssu 20 euro Utsjoen Kuohu -searvvi kontui FI94 5641 8740 0016 79. Čále mávssu oktavuhtii gilvohalli nama ja deaddoluohká.
Almmuheapmi gilvui lea vejolaš maid gilvobeaivve gilvobáikkis. Almmuheapmi máksá dalle 30 euro.
Gilvošlájat
- Sirkus-giehtadeaddolokten
- Traktorjuvlla joraheapmi
- Farmivázzin
- Diŋggaid lokten/lásten
- Biilla geassin báttiin
Bálkkašumit
Deaddoluohkáid vuoittiide lea 200 euro ruhtabálkkašupmi, nuppiide 100 euro ruhtabálkkašupmi ja goalmmádiidda dávvirbálkkašupmi.
Deaddoluohkát
Albmát -90 kg ja +90 kg
Nissonat -65 kg ja +65 kg
Eanet dieđut ja mannan jagi vuoittit dáppe.
Lassedieđut:
vs. asttuáiggečálli Janne Mustonen
0400 319 852
janne.mustonen@utsjoki.fi
Heidi Keskitalo, Utsjoen Kuohu ry
heidi.keskitalo@utsjoki.fi