Diehtun nuppástusat Ohcejoga dearvvasvuođabálvalusain koronanjoammumiid dihte
Ohcejoga gieldda koronavirusnjoammumiid geažil dearvvasvuođafuolahusa bálvalusain leat muhtun nuppástusat borgemánu áigge.
Ohcejoga seaŋgaossodagas leat gávdnon guokte koronavirusnjoammuma. Vuosttas njoammundáhpáhus gávnnahuvvui seaŋgaossodagas vuossárgga 17.8. ja nubbi maŋŋebárgga 18.8. Buot seaŋgaossodaga pasieanttat ja bargoveahka leat dan maŋŋá testejuvvon ja oassi olbmuin biddjon karantenii.
Njoammumiid dihte Ohcejoga dearvvasvuođafuolahusa bálvalusain leat muhtun nuppástusat borgemánu áigge.
Dearvvasvuođaguovddážis ii leat pasieanttaid bálvaleapmi 31.8. rádjai. Doavttiráiggit dikšojuvvojit borgemánu loahpa rádjai telefon- dahje gáiddusoktavuođain. Olbmot, geain leat vuoigŋanoalleinfekšuvnna mearkkat, ožžot divššu sirrejuvvon sajiin, main dahkkojuvvojit maiddái koronavirusteasttat ja eará hohpolaš dutkamušat. Dearvvasvuođaguovddážii sáhttá ain riŋget ja pasieanttat ožžot divššu.
Laboratoriai beassá dušše várrejuvvon áiggiin. Laboratoriai ii fidne áiggiid 31.8. rádjai.
Gáregasnjárgga dearvvasvuođadállu doaibmá dábálaččat. Gáregasnjárgga doavttiráiggit dikšojuvvojit telefon- dahje gáiddusoktavuođain.
Ruovttubuohccedikšun ja ruovttubálvalus doibmet dábálaččat.
Skuvladivššár bálvala skuvllas.
Fysioterapevta johtá ruovttuin ja doallá Gáregasnjárgga dikšobeaivvi dábálaččat.
Psykiátralaš buohccedivššár johtá ruovttuin, ja sutnje sáhttá riŋget nummárii 040 749 4216.
Bátnedoaktára vuostáiváldinbeaivi 26.8. lea šluhttejuvvon ja bátnedoavttir lea Ohcejogas čuovvovaš háve 2.9.
Seitakartanos, Dorvus, Aspas ja seaŋgaossodagas lea gallestallangielddus.
Lassidieđut:
Heidi Eriksen
Vástideaddji doavttir
Tel. 040 1810284
Jos eahpidat alddát dahje lagasbirrasis koronavirusnjoammuma, váldde oktavuođa Ohcejoga dearvvasvuođaguovddážii (árgan diibmu 8-16 tel 040 1810285, vahkuloahpaid, eahkediid ja árgabasiid tel 040 1810281) de beasat koronatestii.
Koronavirusa dábálaš dávdamearkkat leat earret eará feber, gosahat, oaivebávččas, illáveadjin, luhčadávda, deahkkebákčasat, čottabávččas, nuorvu, vuoigŋanváttisvuođat ja hádja- ja smáhkkaáiccu hedjoneapmi. Mánáin dávdamearkkat sáhttet leat láivvit ja bistit oanehis áiggi. Koronavirusdávdda mearkkaid ii sáhte earuhit eará virusdávddaid mearkkain earágo koronavirusteasttain.
Lasi dieđuid koronavirusdilis gávnnat earret eará Ohcejoga gieldda, Lappi buohccedikšunbire ja THL neahttasiidduin.