Diehtu Ohcejoga eastadanrávvehagas

Eastadanrávvehat bálvala sahkaneami eastadeapmái laktáseaddji áššiin badjel 15-jahkásaš ohcejohkalaš nissoniid, go gažaldagas lea:

  • Eastadeami álggaheapmi ja čuovvunfitnamat (e-tableahtat, eastadanriekkis ja -plásttar, veaikespirála, hormonaspirála, eastadankapselat)
  • Spirála dahje kapsela bidjan, lonuheapmi dahje eret váldin

Eastadeami álggaheami jurddašettiin váldde buriin áiggiin oktavuođa eastadanrávvehaga dearvvasvuođadikšui.

Ođđa áššehassii várrejuvvo álo vuos áigi dearvvasvuođadikšu vuostáváldimii. Dearvvasvuođadikšu várre dárbbašettiin áiggi eastadanrávvehaga doaktára vuostáváldimii.

Eastadeami álggaheapmi, čuovvun ja eastadanbuktagiid reseaptaid ođasmahttimat dikšojuvvojit dikšu vuostáváldima bokte.

Dikšu lusa áiggi várren telefovnna bokte:

040 758 2073 Ohcejohka ja Njuorggán

040 758 2076 Gáregasnjárgga guovlu

Sáddagat albmá dahje nissona steriliseremii dahkkojuvvojit dearvvasvuođastašuvnnas doaktára vuostáváldimis. Áiggi várren nummiris 040 181 0285.

Áššehasmávssut

Dearvvasvuođadikšu luhtte eastadanfitnan eastadanrávvehagas lea nuvttá. Doaktára luhtte fitnan gullá dearvvasvuođaguovddáža jahkemáksui. Doaktáris fitnan lea nuvttá vuollái 25-jahkásaččaide.

Hormonalaš eastadeami dárbbašeaddji ohcejohkalaš vuollái 25-jahkásaš nissoniid e-tableahtta-/riekkis-/plásttar-/spirála-/kapsel-eastadeamit leat nuvttá, dassážii go olmmoš deavdá 25 jagi.


Muita uutisia